Ike̱ng a ta tonong aYohana 19:10 - Izere New Testament

¹⁰ A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Ike̱ng a ta tonong aYohana 19:10 Referans Kwoze

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

Ike̱ng a ta tonong aYohana 4:10

ne áko̱k kasho̱o̱n iso̱k ifa be anaas ame kpas kaben nasho̱o̱n wu aya a tá sonong ni itsik rigwo̱m ame, ne á ku ya iben, wu aya a tana sor ma izen izen ame. A turung abong rigwo̱m ba nasho̱o̱n itsik rigwo̱m'e ne á fe̱ ye,

Ike̱ng a ta tonong aYohana 12:17

Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

aMatiyu 4:10

aYeso fe̱ be wu ye, “Kam be mi Ishetan! Kamok ise ni izibir ye, ‘Agwo̱m Ágwo̱m wan Adakunom ne wan tù ku ya iben ne i ku nye itomong wu ze̱r tsek.’ ”

Ike̱ng a ta tonong aYohana 14:7

Iyong amaleka'me ta kuto̱ be agap a ta fe̱ ye, “Tiyiik yin Adakunom, ne i kerek yin kuyiik wu! Kamok kyo̱o̱rna izen n nye a tana to̱ kazatse cice̱r amok. Ku ya yin iben, wu ne a nye kaza be kaben, be agbang adung ne itop ashi.”

Ike̱ng a ta tonong aYohana 15:4

Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

Itomong Ámanzo 10:43

Áner kuzarap cice̱r taas rife̱ natoon wu ye, koangan aya a tin no̱o̱k katsak ni wu a tu ku re̱ng rine̱n kaye̱e̱r riyerek wu.”

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

aLuka 1:19

Ne amaleka'me fe̱ be wu ye, “Mi ne i nye aGyebel. Mi se nasho̱o̱n Adakunom. A min tom nufuan nong tà ka tak Rife̱ Ritek na.

aMarkus 5:22

Ayong aner akak a tú ku yis ye aZharus, a tá nye ako̱k kasho̱o̱n kutu aduwa be̱ azong. A tá fa di aYeso ne a kpa na atak wu,

Itomong Ámanzo 13:27

Áner aUshalima be ágwo̱m ba cice̱r ren ye aYeso ne a nye aner kashesh ba. Gip be anong, nizen iya a tú ku fe̱r, á shining rife̱ aner kuzarap riya a ta fa koakye Asabar.

1 aYohana 5:21

Kamok anong, inoon'i, yin aya mi ta shim, sor yin gugo̱k be ike̱re̱ ife i ta nye ife adakunom afe abo̱o̱s.

1 aTasalonika 5:15

Sak yin riye̱, sang tu ku karang yin imaan'e be rimaan'e baꞌ. Amma koakye izen se yin gye̱r be áfudang yin ne ánerawe cice̱r.

Afisa 5:15

Kamok anong, sak yin riye̱ be kuri kusor yin dide̱ng, sang tu sor yin kyo̱ndi áfe a ta se dar ritse̱ng baꞌ, amma sor yin kyo̱ndi áfe a ta be ritse̱ng.

2 aKoranti 8:7

Kaye̱e̱r koakye yin se yin kasho̱o̱n kasho̱o̱n, kaye̱e̱r kuno̱o̱k katsak yin na aKiristi, kaye̱e̱r kufe̱ kanu, kaye̱e̱r kuren katsak, kaye̱e̱r itomong kutobok akak ne kuri kushim yin tin shim yir. Won yin gip tu nar yin koangan kaye̱e̱r ritek kunyesek yin ta be yin.

aMarkus 7:25

Abining akak, angas wu ta be amaan kabik, a fok itak aYeso yong a wor a be̱ nong a ta be kpa natak wu.

Afisa 5:33

Gip be anong, koangan kaye̱e̱r yin gip a ra shim abining wu dim kyo̱ndi a ta shim rice wu ne abining'e ma ti yiik amitek wu.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”