Ike̱ng a ta tonong aYohana 17:17 - Izere New Testament

¹⁷ Kamok Adakunom sak naye̱ ba nong á ta shining ike̱ng iya wu tá shim. Ba tá shim a tá no̱o̱k kukewum'me kukyem ba nong a tin nye rigwo̱m ma izen iya a tana shining ike̱ng iya Adakunom ta fe̱.

Ike̱ng a ta tonong aYohana 17:17 Referans Kwoze

Ike̱ng a ta tonong aYohana 10:7

Amma nizen iya amaleka afe kanataar tana fe̱e̱p rigba rifu, nizen iyong ne Adakunom ta taas koakye ike̱ng wu ta tsang a fe̱ be áner kuzarap wu.”

2 aKoranti 8:16

Mi be riye̱ rikan be Adakunom, aya a ta sak aTitus ta sok kaye̱e̱r riye̱ wu be ifeng anong a ta ka tobok yin kyo̱ndi mi.

aYohana 13:2

Nizen iya aYeso be álimazhiri wu ta se be iya naya katuk, Ishetan tsang i no̱ riye̱ aYahuza Iskariyot igon aSiman nong a tà no̱o̱k aYeso.

Ike̱ng a ta tonong aYohana 17:13

Ba kuso̱k'ong, kuto̱ro̱ng ba se kuzining, á no̱o̱k kukewum kuseng'e kukyem ba be rigwo̱m ba.

aYohana 13:18

“Sang natoon yin cice̱r ne mi ti fe̱ baꞌ, mi ren áya mi tá kasa. Amma iyu se anong, nong a ta shining rife̱ kufumung aZabura ta fe̱ ye, ‘Aya a tá ya naya mi ne a bun a ti bun ni mi.’

aLuka 22:22

Igon Anerawe tà ku kyo̱ndi Adakunom ta min sak, awo̱ tsek be aner aya a tana ku re̱p.”

Ike̱ng a ta tonong aYohana 15:1

Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

aYohana 19:28

Nama anong, aYeso tá ren ye kyo̱o̱rna a n gang koakye, nong ase̱ a tá shining ike̱ng iya Kufumung Adakunom tá fe̱ yong aYeso fe̱ ye, “Kuto̱ mi n koor.”

aYohana 19:24

Ayong a fe̱ be rice ba ye, “I tu sarak yir baꞌ, i nye yir kukasa ta di yir aner aya a tana se̱.” A nye iyu nong a tá shining izibir Kufumung Adakunom tá fe̱ ye, “Á kasap ares'i nace ba, á tin nye kukasa na ares'i.” Ike̱ng iya ásozha'me tá nye'ong.

aYohana 10:35

Ke a tu yis ba ye adakunom to̱, nufe angan ne rife̱ Adakunom'me be̱ e̱? Rife̱ Adakunom'me nye abo̱o̱s baꞌ.

aLuka 22:37

I se ni izibir kaye̱e̱r Kufumung rife̱ Adakunom ye, ‘A tu ku fa mak be áfe rine̱n.’ Mi ta ka tak yin ye iyu tin shining natoon'i dim. Ei, ike̱re̱ a tá zibir natoon'i m be̱ barak i ta shining.”

aLuka 22:3

Iyong Ishetan no̱ kaye̱e̱r riye̱ aYahuza, aya a tú ku yis ye Iskariyot, a tá nye azining kaye̱e̱r álimazhiri kuso̱k be afa.

Ike̱ng a ta tonong aYohana 6:11

Ayong a no̱o̱k koangan ba awe̱n kukpiin kukan, ne a fe̱ be ba ye á ra tor cie̱k gak ma izen iya a tana fe̱s ásam Adakunom áfudang ba be áronyining ba kyo̱ndi a tá ka fe̱s ba a gang.

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”