Ike̱ng a ta tonong aYohana 17:14 - Izere New Testament

¹⁴ A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 17:14 Referans Kwoze

aRom 8:30

Áya wu tá tsang a ku sak ba ze̱e̱r, a tú ku yis ba'me, ne a ku sak ba a tá se gye̱r nasho̱o̱n wu, ne ku te yiik ba.

1 aTimoti 6:15

Kube̱ aYeso ta se nizen iya Adakunom ta di i tu se gye̱r. Adakunom ne a nye aya ánerawe tu ku kerek, ne wu ne a be kukyem cei, agbang Agwo̱m Ágwo̱m, Agwo̱m natoon ágwo̱m cei.

aMatiyu 22:14

“Kamok ánerawe whe̱re̱ ne a yis amma cie̱k ne a kasa.”

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

1 aKoranti 15:24

Ne igang'e be̱, izen iya ne a tana no̱o̱k Ada Adakunom rigwo̱m wu nama a ta yirik koakye kuri rigwo̱m be kukyem.

aRom 8:37

Wayo, kaye̱e̱r ike̱re̱ na cice̱r, yir nar yir agap áya a tana fe̱ ye á be agap kaye̱e̱r aYeso aya a tin shim yir.

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

2 aTimoti 2:4

aSozha akak kuse a ta se kaye̱e̱r itomong a tana bun a te rice wu ni ike̱re̱ kazatse baꞌ, kamok ike̱ng ife asozha ta shim nye a tu kare̱p atekasa wu riye̱.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aRom 1:6

Yin gip, yin ti se yin kaye̱e̱r áya a tá yis nong ta te yin áfe aYeso Kiristi.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.