Ike̱ng a ta tonong aYohana 16:5 - Izere New Testament

⁵ Iyong mi fok amaleka aya a tin sak riye̱ nashi tá fe̱ ye, “Amok na áya wan tan te̱n se gye̱r, wan afe i ta se gbugbang ne i bun i ku se kyo̱o̱rna. Wan nye Azhe̱l'e, kamok wan tá to̱ amok gye̱r.

Ike̱ng a ta tonong aYohana 16:5 Referans Kwoze

Ike̱ng a ta tonong aYohana 11:17

ne á fe̱ ye, “Yir shim ta ka tonong yir riye̱ rikan Agwo̱m Ágwo̱m yir Adakunom afe kukyem cice̱r, aya a tu ku se gbugbang ne a kuse kyo̱o̱rna. Kamok wan sok agbang kukyem wan i tin nye rigwo̱m kyo̱o̱rna.

Ike̱ng a ta tonong aYohana 1:8

Agwo̱m Ágwo̱m yir Adakunom fe̱ ye, “Mi ne i nye Alfa ne aOmega. Wu tu se gbugbang, wu ne a kuse kyo̱o̱rna, wu ne a tà bun a be̱. Mi ne i nye afe kukyem cice̱r.”

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

aRom 2:5

Amma kamok kushonong wan i ta gaar kushishing kuse wan, wan naka tusung amok Adakunom natoon rice wan ma katuk riye̱ kubeseng Adakunom, nizen iya a tana to̱ kazatse amok kaye̱e̱r katsak.

Ike̱ng a ta tonong aYohana 16:7

Ne mi fok kuto̱ kukak kaye̱e̱r abagadi ame ta fe̱ ye, “Ei, Adakunom Agbang Agwo̱m Ágwo̱m afe kukyem cei, amok wan se gye̱r ne a nye katsak.”

aRom 3:5

Ke amaan kunye yir tonong kanang ye Adakunom nye gye̱r, ne i fe̱ yir ane̱ e̱? Ta fe̱ yir ye Adakunom nye gye̱r baꞌ, a tin tonong yir riye̱ kubeseng wu a? (Mi ma fe̱ kuri rife̱ rinerawe tsek.)

Ike̱ng a ta tonong aYohana 19:2

Kamok amok wu se gye̱r ne a nye katsak. A to̱ agbang inyak agwo̱m iya i tá beseng kazatse be rikuna wu amok. Adakunom mu ku karang kamok a fe̱s ásam wu.”

Ike̱ng a ta tonong aYohana 16:4

Amaleka afe ataar'e tseng a tá se korok ike̱ng iya i ta se kaye̱e̱r kakereng kafu kaye̱e̱r isho̱ng ne ninaro̱ ashi tu ku wuruk. Ayong ashi'me te naso̱k gip.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

Ike̱ng a ta tonong aYohana 6:10

Ne a tang kuto̱ be agap ye, “Agwo̱m Ágwo̱m, Atek kaza be kaben, azhe̱l'e, afe katsak, ma nizen inyaka ne wan ta to̱ kazatse amok ne i ku karang ike̱ng iya a tin nye yir e̱?”