Ike̱ng a ta tonong aYohana 16:19 - Izere New Testament

¹⁹ Agbang kuwo̱p ame kabak abas ataar ne ágbang iwo̱p kazatse kpas ze̱r ze̱r. Adakunom to̱ro̱ng be agbang kuwo̱p aBabila. Ayong a no̱o̱k aBabila'me kures ashi anap kufe agbang riye̱ kubeseng wu.

Ike̱ng a ta tonong aYohana 16:19 Referans Kwoze

Ike̱ng a ta tonong aYohana 18:5

Kamok rine̱n wu n rasak ma rin ngarak naza, Adakunom n yiring be rine̱n wu.

Ike̱ng a ta tonong aYohana 18:10

Á tà nyeseng gugo̱k kamok ba tá di risam ba, ne á fe̱ ye, “ ‘Wa tsek! Wa tsek, Wan agbang ayiik kuwo̱p aBabila, kuwo̱p aBabila ku ta be kukyem! Kaye̱e̱r awa azining a wor a tu to̱ amok.’

Ike̱ng a ta tonong aYohana 17:18

Abining aya wan ta di'me, nye agbang kuwo̱p ku tin nye rigwo̱m nagwo̱m kazatse.”

Ike̱ng a ta tonong aYohana 18:21

Ne agbang amaleka akak a tá be agap sok agbang kuta kukak ku ta gaar kyo̱ndi agbang ku ta ako̱ nong a ta barak kaye̱e̱r agbang kudung ne a fe̱ ye, “Ana ne a tà barak agbang kuwo̱p aBabila be agap kaben, a tà ba di baꞌ.

Ike̱ng a ta tonong aYohana 18:2

A ta kuto̱ naza a tá fe̱ ye, “Kun kpa, ayiik kuwo̱p aBabila n kpa! Kun te karo̱ ítseng tu ku sor ne kasa koakye kuri amaan kabik be karo̱ kusor koakye kuri akpe̱rde̱k nanon naya na ta se kye̱re̱.

Ike̱ng a ta tonong aYohana 17:5

A ti zibir riyerek rikak nati wu rife̱ sang akak ta ren ike̱ng i ta sor baꞌ ye, ababila ayiik'e, anyining inyak ágwo̱m cice̱r, anyining ike̱re̱ akye̱re̱ nazatse.

Ike̱ng a ta tonong aYohana 11:8

Ikom ba tà sor niren kaye̱e̱r agbang kuwo̱p a tin maas be aSodom ka aMasar ayi, naro̱ a tú ku tigak Agwo̱m Ágwo̱m ba.

Ike̱ng a ta tonong aYohana 17:1

Ayong azining kaye̱e̱r ámaleka kanataar ame áya a tá be nakereng kanataar ame be̱ á ta fe̱ be mi ye, “Be̱, mi tà ka tonong kuri risam mi tana no̱o̱k agbang inyak agwo̱m na, aya a ta nye agbang kuwo̱p a tá no̱k bubarak be karo̱ ísho̱ng tú ku se whe̱re̱.