Ike̱ng a ta tonong aYohana 16:15 - Izere New Testament

¹⁵ “Di yin, mi saase kyo̱ndi akpatang. Aner riye̱ rikan ne a nye aner aya a ta sor be kanye̱k, ne a sor be ares wu bubarak fan a bu tseng ica'me ne a fok isum kaye̱e̱r ánerawe.”

Ike̱ng a ta tonong aYohana 16:15 Referans Kwoze

Ike̱ng a ta tonong aYohana 3:18

Mi tà ka no̱o̱k ibo̱ro̱ng, shan izinariya aya a tan shirik be kuro̱ng nunaan nong ta te árum kaye̱e̱r kabik, be ares akan nong tin kis kuro̱m wan fan i bu fok isum. Shan rikan anyisi nong tà di karo̱ gye̱r.

2 aBitrus 3:10

Katuk kube̱ Agwo̱m Ágwo̱m bu se kyo̱ndi kube̱ akpatang. Katuk kayong a tà fok riwo̱ng be agap ne kaza wei, cice̱r ike̱re̱ a tin nye kaza be kaben a tà shosh. Koakye i ta se nune̱re̱ng kaye̱e̱r'e a ta tun kanang nasho̱o̱n Adakunom.

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

2 aKoranti 5:3

Kamok ke a ti kis yir baꞌ, to̱, ta sor yir ica'me.

aMarkus 14:38

Ayong aYeso fe̱ be ba ye “Sak yin riye̱, nye yin aduwa fan yin bu kpas yin kaye̱e̱r kubo̱mo̱ng. Katsak'e, riye̱ shim kunye'me amma kuro̱m gaar.”

Itomong Ámanzo 20:31

Kamok anong, sak yin riye̱. Yiring yin, mi n te aye̱ ataar ne i ka nyesek yin itabak katuk be kunom be nanyisi rice.

1 aTasalonika 5:6

Kamok anong sang tu men yir ida kyo̱ndi ákak baꞌ, amma won yir tu sor yir be ato yir kuye̱ ne i sak yir riye̱.

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

aMatiyu 26:41

Sor yin ne i tor yin ne i nye yin aduwa fan i bu kpas yin kaye̱e̱r kubo̱mo̱ng. Kabik shim amma kuro̱m'e se gbe̱re̱k.”

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

1 aTasalonika 5:4

Ároneng, yin se yin nawhi baꞌ, nong kunom'me ta ka se̱ yin kyo̱ndi kube̱ akpatang baꞌ.

Ike̱ng a ta tonong aYohana 3:11

Mi saase kyo̱o̱rna. Kamok anong yiir kuno̱o̱k katsak wan kpa fan akak bin shan ribong ishorong wan.

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”