Ike̱ng a ta tonong aYohana 15:4 - Izere New Testament

⁴ Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

Ike̱ng a ta tonong aYohana 15:4 Referans Kwoze

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Ike̱ng a ta tonong aYohana 14:7

Iyong amaleka'me ta kuto̱ be agap a ta fe̱ ye, “Tiyiik yin Adakunom, ne i kerek yin kuyiik wu! Kamok kyo̱o̱rna izen n nye a tana to̱ kazatse cice̱r amok. Ku ya yin iben, wu ne a nye kaza be kaben, be agbang adung ne itop ashi.”

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

1 aBitrus 1:16

Kamok i se ni izibir ye, “Sor yin zhe̱l, kamok mi se zhe̱l.”

Ike̱ng a ta tonong aYohana 16:7

Ne mi fok kuto̱ kukak kaye̱e̱r abagadi ame ta fe̱ ye, “Ei, Adakunom Agbang Agwo̱m Ágwo̱m afe kukyem cei, amok wan se gye̱r ne a nye katsak.”

Ike̱ng a ta tonong aYohana 19:2

Kamok amok wu se gye̱r ne a nye katsak. A to̱ agbang inyak agwo̱m iya i tá beseng kazatse be rikuna wu amok. Adakunom mu ku karang kamok a fe̱s ásam wu.”

aRom 15:9

nong áya sang á tá nye áner aYahuda baꞌ, ta kerek Adakunom kamok kuro̱ riye̱ wu. Kyo̱ndi i ta se ni izibir ye, “Kamok anong, mi tà ka kerek kaye̱e̱r áya sang á ta nye áner aYahuda baꞌ, mi tà bom abom tin kerek riyerek wan.”

Ike̱ng a ta tonong aYohana 6:10

Ne a tang kuto̱ be agap ye, “Agwo̱m Ágwo̱m, Atek kaza be kaben, azhe̱l'e, afe katsak, ma nizen inyaka ne wan ta to̱ kazatse amok ne i ku karang ike̱ng iya a tin nye yir e̱?”

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

Ike̱ng a ta tonong aYohana 16:5

Iyong mi fok amaleka aya a tin sak riye̱ nashi tá fe̱ ye, “Amok na áya wan tan te̱n se gye̱r, wan afe i ta se gbugbang ne i bun i ku se kyo̱o̱rna. Wan nye Azhe̱l'e, kamok wan tá to̱ amok gye̱r.

Ike̱ng a ta tonong aYohana 19:8

A tú ku no̱o̱k ares akan afe itso̱m a ta forop ma a gye̱se̱m nong a ta te.” (Ares akan'e sor kyo̱ndi kunye kutek kuya ázhe̱l'e ta nye.)