Ike̱ng a ta tonong aYohana 14:18 - Izere New Testament

¹⁸ Ne amaleka akak a tin sak riye̱ nuro̱ng bun a wuruk gbak, a wuruk na abagadi nong a tá yis amaleka aya a ta be alauzhe nubo̱k wu ame be agap, ye “Nabak alauzhe wan nong tin tse̱k kutes anap kaye̱e̱r kazatse kamok an te afe kutse̱k.”

Ike̱ng a ta tonong aYohana 14:18 Referans Kwoze

Ike̱ng a ta tonong aYohana 16:8

Amaleka afe anaas'e tseng a ta se korok ike̱ng iya i ta se kaye̱e̱r kakereng kafu natoon kunom. Ayong a no̱o̱k kunom kukyem a tanin shosh ánerawe be kuro̱ng.

aMarkus 4:29

Kum ke naya'me te, ne aner'e san kute̱m'e, kamok izen ishamang n nye.”

Ike̱ng a ta tonong aYohana 8:3

Amaleka akak, a tá be kures a tá nye be izinariya be̱ nong a tá nyeseng'e nasho̱o̱n abagadi'me. A tú ku no̱o̱k ike̱re̱ iko̱o̱n itek dide̱ng kaye̱e̱r kures ame nong a tin nye asidaka nong a tin gung be aduwa ázhe̱l'e cice̱r natoon a abagadi izinariya ame ta se nasho̱o̱n itsik rigwo̱m.

Ike̱ng a ta tonong aYohana 16:7

Ne mi fok kuto̱ kukak kaye̱e̱r abagadi ame ta fe̱ ye, “Ei, Adakunom Agbang Agwo̱m Ágwo̱m afe kukyem cei, amok wan se gye̱r ne a nye katsak.”