Ike̱ng a ta tonong aYohana 14:14 - Izere New Testament

¹⁴ Mi tá fa sok anyisi naza ne mi di kune̱n kukan nasho̱o̱n'i. Mi di aner akak kyo̱ndi Igon Anerawe ta min sonong natoon kune̱n'e. Aner'e be ribong rigwo̱m a tá nye be izinariya natoon rice wu. aLauzhe akak a tá ya dide̱ng se nubo̱k wu.

Ike̱ng a ta tonong aYohana 14:14 Referans Kwoze

Ike̱ng a ta tonong aYohana 1:13

Mi di aner akak “kyo̱ndi igon anerawe” natite ike̱re̱ a tin tes iro̱ng'e, be awe̱n kukpiin ma ni ito̱ atak a tan rosom kafok wu be itan ares a ta nye be izinariya.

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

aLuka 21:27

Nizen iyong ne á tà di Igon Anerawe ta saase kaye̱e̱r ane̱n be kukyem ne kuyiik dide̱ng.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

Ike̱ng a ta tonong aYohana 6:2

Mi ye̱re̱k ne mi di itsaap ikan. Aner aya a tin ngarak natoon itsaap'e be ka ta nubo̱k wu, a mu ku te ribong rigwo̱m. Ayong a kpaan itsi ni itsaap'e kyo̱ndi aner aya a ta tseng a be ni iya ákak ni itsom.

Ike̱ng a ta tonong aYohana 1:7

Di yin, a saase kaye̱e̱r ane̱n, koangan tù ku di, cei be áya a tú ku fe̱r. Ánerawe kazatse cice̱r tà tos kamok wu. Katsak'e! I se anong. Anong!

Ike̱ng a ta tonong aYohana 20:11

Iyong mi di agbang itsik rigwo̱m rikak rikan be aner akak natoon'e. Kaza be kaben wor ka wei, akak ba di baꞌ.

Ike̱ng a ta tonong aYohana 19:12

Anyisi wu se kyo̱ndi rigyem kuro̱ng, abong rigwo̱m whe̱re̱ se natoon rice wu. A be riyerek rikak ni izibir, riya sang akak ta kyem a ren baꞌ, ma wu ze̱r tsek.

Ike̱ng a ta tonong aYohana 11:17

ne á fe̱ ye, “Yir shim ta ka tonong yir riye̱ rikan Agwo̱m Ágwo̱m yir Adakunom afe kukyem cice̱r, aya a tu ku se gbugbang ne a kuse kyo̱o̱rna. Kamok wan sok agbang kukyem wan i tin nye rigwo̱m kyo̱o̱rna.

Ike̱ng a ta tonong aYohana 10:1

Ne mi bun i di agbang amaleka akak ne naza a sen tisik kaben. A mu ku kis be ane̱n be itsereng natoon rice wu. Kanyisi wu se kyo̱ndi kunom ne atak wu seng kyo̱ndi atse̱n kuro̱ng.

aMarkus 4:29

Kum ke naya'me te, ne aner'e san kute̱m'e, kamok izen ishamang n nye.”

aMatiyu 13:30

Ka won yin ba cice̱r nong a ta rasak mak ma nizen ishamang'e. Nizen iyong ne mi tà fe̱ be áfe kutse̱k'e ye, Tusung yin agam'me ta rosom yin na agwo̱m nong tin te yin kuro̱ng; ne i tusung yin alikama'me ta be̱ tin korok yin'e ni ingme̱.’ ”