Ike̱ng a ta tonong aYohana 14:13 - Izere New Testament

¹³ Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

Ike̱ng a ta tonong aYohana 14:13 Referans Kwoze

Ike̱ng a ta tonong aYohana 20:6

Aner riye̱ rikan ne a nye áner aya a tin se kaye̱e̱r kudorok ikom kufe ime̱se̱ng'e ne á nye ázhe̱l'e. Riku rife̱ afa sen ka se̱ ba baꞌ, amma ba ne á tà te átsi Adakunom be áfe aKiristi, á ta nye rigwo̱m ba mak be wu ma aye̱ izungu izining.

1 aTasalonika 5:10

A ku kamok yir, nong ase̱ ko yir tuse yir nida ka yir tu di yir karo̱, yir tà sor yir mak be wu.

1 aTasalonika 4:16

Katuk kayong, Agwo̱m Ágwo̱m yir tà tiik kaben be rice wu, ne a yis be agap, be kuto̱ agbang amaleka ne a fe̱e̱p rigba Adakunom. Áya a tan tsang á kus kaye̱e̱r aKiristi baꞌ, ne á ta san kudorok.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 6:11

Ayong a no̱o̱k koangan ba awe̱n kukpiin kukan, ne a fe̱ be ba ye á ra tor cie̱k gak ma izen iya a tana fe̱s ásam Adakunom áfudang ba be áronyining ba kyo̱ndi a tá ka fe̱s ba a gang.

2 aKoranti 5:8

Katsak'e, yir be yir agak riye̱ baꞌ. Yir nar kushim ta kam yir kuro̱m na nong ta sor yir mak be Agwo̱m Ágwo̱m kaye̱e̱r kaza.

Ike̱ng a ta tonong aYohana 16:17

Amaleka afe kanataar tseng a ta se misik ike̱ng iya i ta se kaye̱e̱r kakereng kafu natoon kaza. Iyong kuto̱ kukak wuruk be agap kaye̱e̱r agbang kutu kuya Adakunom iben naro̱ itsik rigwo̱m wu ye, “An gang!”

1 aTasalonika 4:14

Yir ti no̱o̱k yir katsak ye, aYeso ku, a tá bun a dorok be kutser, anong ne áya a tá mereng ida kaye̱e̱r Agwo̱m Ágwo̱m yir. Adakunom tà be̱ be ba mak be aYeso katuk igang'e.

1 aKoranti 15:18

To̱, áya a ta se nida kaye̱e̱r aKiristi wei ma izen izen.

aRom 14:8

Ke yir sor yir be kutser, to̱, i sor yir kamok Agwo̱m Ágwo̱m, ke i kus yir, to̱, i kus yir kamok Agwo̱m Ágwo̱m. Kamok anong, yir tu sor yir be kutser ka i tu kus yir, yir nye yir afe Agwo̱m Ágwo̱m.

aLuka 16:9

Mi tà ka tak yin ye i rin nye yin itomong be kurum kazatse nong tin se̱ yin áferime̱, nong ase̱ ke kurum'e gang, a tà ka shan yin naro̱ kafe izen izen.

aMatiyu 3:17

Ne kuto̱ kukak wuruk naza ye, “Wan ne inye Igon'i kaya mi ta shim. Mi fok kusas wu dide̱ng.”

Ike̱ng a ta tonong aYohana 11:19

Iyong agbang kutu kuya Adakunom iben ku ta se kaye̱e̱r kaza karak ne mi di akpate kushu Adakunom kaye̱e̱r'e. Ne akanang akak wuruk be riwo̱ng ne kutasak iza be kuzuur kaben ne agbang rikarang.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Ike̱ng a ta tonong aYohana 10:4

Nizen akparam kanataar'e tá fe̱ kanu, mi shim ta zibir rife̱'me, amma mi fok kuto̱ kukak naza ye, “Sang tu zibir ike̱re̱ iya akparam'e tá fe̱ baꞌ.”

Ike̱ng a ta tonong aYohana 2:1

“Zibir amaleka ikilisiya Afisa'me ye: Rife̱ na ne nufe aner aya a ta yiir ádar kanataar nubo̱k riya wu, a ta tsang a tseng kaye̱e̱r ike̱re̱ kanataar a tin tes kuro̱ng ife a tá nye be izinariya ame.

aFilipi 2:17

Ei, i se gye̱r, mi ta nye riye̱ rikan be yin, a fa nyosong naso̱k'i natoon asidaka yin ne natoon itomong kuno̱o̱k katsak yin, gip be anong mi be riye̱ rikan be yin.

aLuka 16:25

“Amma Ibrahim fe̱ be wu ye, ‘Igon'i, yiring nizen wan tá se nazatse, wan se̱ ike̱re̱ itek, aLazarus so̱ risam. Kyo̱o̱rna a sen fok kusas kusor aze, ne wan ma sen so̱ amaan risam.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

1 aKoranti 15:20

Amma katsak'e, a dorok aKiristi nure̱k wu ne a nye afe ime̱se̱ng'e kaye̱e̱r áya a tá dorok nure̱k.

1 aTimoti 5:24

Rine̱n ánerawe ákak se kanang, ri wor ri se kanang kum dar a tseng'e naro̱ amok, amma rine̱n rife̱ ákak, ma ri sok izen ri ta ra wuruk.

1 aTimoti 5:25

Anong ne kunye kutek se na akanang gip, kunye kutek kuya ku ta se na akanang baꞌ, a ta kyem a ne̱r baꞌ.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

Ike̱ng a ta tonong aYohana 22:17

Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.