Ike̱ng a ta tonong aYohana 14:11 - Izere New Testament

¹¹ Itsing kuro̱ng kuya a tana ku no̱o̱k mo ba risam'me ngarak naza ma izen izen. Koangan áner aya a tà ya kukewum ame iben ka ike̱ng iya i tù ku tas iben ne a tú ku tse̱k ba izizo̱ riyerek ikewum'e, á ta so̱ risam katuk be kunom dar gang.”

Ike̱ng a ta tonong aYohana 14:11 Referans Kwoze

Ike̱ng a ta tonong aYohana 19:3

Iyong á bun á tang kuto̱ ye, “Adide̱nge̱ng Adakunom, itsing kuro̱ng kuya ku tu ku ya ngarak naza ma izen izen.”

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

Ike̱ng a ta tonong aYohana 18:18

Á tà tos nizen iya ba tá di itseng kuro̱ng ku ta sen ya kuwo̱p'e, á tà fe̱ ye, ‘Kuwo̱p kukak kun kuse ku tá be kuyiik kyo̱ndi agbang kuwo̱p na baꞌ.’

Ike̱ng a ta tonong aYohana 14:9

Ayong amaleka afe ataar bun a gor nama afe afa ame. Amaleka'me fe̱ be agbang kuto̱ ye, “Aner aya a ta ya kukewum na iben ka ike̱ng iya i ta tas kukewum'me ne a shim a tu ku tse̱k izizo̱ wu nubo̱k ka nati ayi,

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Ike̱ng a ta tonong aYohana 7:12

ne á fe̱ ye, “Anong, kuyiik be nakerek be kukyem be riye̱ rikan be rigwo̱m be agap ne ritek nye rife Adakunom yir ma izen izen, Anong.”

Ibrani 1:8

A fe̱ natoon Igon'e ye, “Itsik rigwo̱m wan, Adakunom, tà sor ma izen izen. Katsak ne ka ta nye ishe̱n rigwo̱m wan.

Ike̱ng a ta tonong aYohana 22:5

Karo̱ ba sen te katuk baꞌ. Ánerawe tà ba tse̱r akanang kunom ka apitila nong a tin di karo̱ baꞌ, kamok Adakunom, Agwo̱m Ágwo̱m ne a tà nye akanang ba. Á tà nye rigwo̱m ma izen izen.

Ike̱ng a ta tonong aYohana 13:12

Ku ti nye itomong be kukyem kukewum kufe ime̱se̱ng'e ame. Ku bun sak kazatse ne áner á ta se kaye̱e̱r kazatse ta ya kukewum kufe ime̱se̱ng'e ame iben, ku ya kufor rice'me tá te kutser.

aMatiyu 11:28

“Be̱ yin nunaan, cice̱r yin áya i tan ro̱ro̱ng yin be acer yin, mi tà ka no̱o̱k yin kufan.

Ike̱ng a ta tonong aYohana 13:15

Á tu no̱o̱k kukyem nong a tin fe̱e̱p isong nike̱ng'e nong ase̱ ku ta kyem ku fe̱ kanu ne ku sak a ta fe̱r koangan a ta gaar ku kuya iben.

Ike̱ng a ta tonong aYohana 13:17

Sang akak kyem a shan ka a re̱e̱s ike̱ng ikak baꞌ ma ke aner'e be izizo̱'ong nizham. Izizo̱'me nye riyerek kukewum'me ka izibir wu.

Ike̱ng a ta tonong aYohana 18:9

“Nizen iya ágwo̱m kazatse á ta nye rikuna be wu ne á ya kazatse mak be wu tana di itsing kuro̱ng ku ta sen ku ya, á tà tos ne á nye riyo̱m kamok wu.