Ike̱ng a ta tonong aYohana 13:6 - Izere New Testament

⁶ Iyong kukewum'me karak kanu wu nong ku tá kas Adakunom, ne ku kas riyerek wu ne karo̱ kusor wu be áya a ta sor kaye̱e̱r kaza.

Ike̱ng a ta tonong aYohana 13:6 Referans Kwoze

Ike̱ng a ta tonong aYohana 12:12

Kamok anong, nye yin riye̱ rikan naza ne áya a ta sor kaye̱e̱r'e. Amma awo̱ be kazatse ne agbang adung, kamok Amaan Aner n tiik kaye̱e̱r yin. Riye̱ wu kun fuus kamok a ren ye izen wu ba gop baꞌ.”

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.

aMatiyu 15:19

Kamok kaye̱e̱r riye̱ ne amaan kuto̱ro̱ng nes, ike̱re̱ kyo̱ndi kufe̱r akak, be rikuna, ne kunyiis kuro̱m kpe̱de̱ng, be itsang, ne abo̱o̱s, be kukas Adakunom.

aMatiyu 12:34

Yin naban afomong yin i ta nye yin amaan'e, yin ta san yin ane̱ ta fe̱ yin ike̱ng itek e̱? Ike̱ng i ta se kaye̱e̱r riye̱ aner ne i wuruk nanu wu.

Ike̱ng a ta tonong aYohana 21:3

Ne mi fok kuto̱ kukak tá wuruk be agap naro̱ itsik rigwo̱m ame ye, “Di yin, Karo̱ kusor Adakunom n tiik kaben mak be ánerawe, ka tà sor mak be ba. Ba tà te ánerawe wu ne Adakunom be rice wu se mak be ba ne a bun a sor Adakunom ba.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

Ike̱ng a ta tonong aYohana 11:12

Ayong áner kuzarap afa ame ta fa fok kuto̱ kukak be agap ku ta wuruk kaye̱e̱r kaza ku ta fe̱ be ba ye, “Ngarak yin aze.” Ayong á ngarak naza kaye̱e̱r ane̱n ne ámudo̱n ba ka ye̱re̱k ba.

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.

Ike̱ng a ta tonong aYohana 5:13

Ne mi bun i fok koakye ike̱re̱ i ta se natoon kaza be kaben cei be iya i ta se kaye̱e̱r kaben ne kaye̱e̱r ashi ne ife i ta se natoon'e cei tà ta kuto̱ na abom ye, “Nakerek be kuyiik be rigwo̱m ne agap nye kufe aya a ta sonong natoon itsik rigwo̱m'e be Aturuk'e gip ma izen izen.”

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 4:1

Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”

Ibrani 9:2

A tar kubur. A nye karo̱ kusaas apitila be atebur ne abiredi azhe̱l'e nutu kufe ime̱se̱ng'e. A yis karo̱ kayong ye Karo̱ Kazhe̱l'e.

aRom 3:13

Nanu ba se kyo̱ndi are̱k a ta se kuye̱, nanu ba n me̱ be abo̱o̱s. Írem ba turung amaan rife̱ kyo̱ndi nado̱m iwhen.

aKolosi 2:9

Kamok kaye̱e̱r aKiristi ne kuse Adakunom sor kaye̱e̱r kuro̱m,

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

Ike̱ng a ta tonong aYohana 7:15

Kamok anong, “ba sor nasho̱o̱n itsik rigwo̱m Adakunom ne á ku ya iben katuk be kunom nagbang karo̱ ku kuya iben. Aner a ta sonong ni itsik rigwo̱m'e ta tarak ikpaar wu natoon ba koakye izen.

Ike̱ng a ta tonong aYohana 15:5

Nama anong, mi tá fa ye̱re̱k kaza, kaye̱e̱r agbang kutu kuya Adakunom iben ne mi di kubur kushu Adakunom kuye̱.