Ike̱ng a ta tonong aYohana 13:15 - Izere New Testament

¹⁵ Á tu no̱o̱k kukyem nong a tin fe̱e̱p isong nike̱ng'e nong ase̱ ku ta kyem ku fe̱ kanu ne ku sak a ta fe̱r koangan a ta gaar ku kuya iben.

Ike̱ng a ta tonong aYohana 13:15 Referans Kwoze

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 16:2

Ayong amaleka afe ime̱se̱ng'e tseng a ta se korok ike̱ng iya i ta se kaye̱e̱r kakereng kafu kaye̱e̱r kazatse'me. Ayong amaan ifor i ta ro̱ dide̱ng ti wuruk niro̱m áner á ta be izizo̱ kukewum ame be áya a tá ya ike̱ng iya i tú ku tas iben.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

Ike̱ng a ta tonong aYohana 17:6

Mi di abining'e tan feng be naso̱k áfikuus ázhe̱l'e wu tan so̱, ne nafe áner á ta no̱o̱k asheda natoon aYeso. Nizen iya mi tú ku di mi fok azhing dide̱ng.

Ike̱ng a ta tonong aYohana 14:11

Itsing kuro̱ng kuya a tana ku no̱o̱k mo ba risam'me ngarak naza ma izen izen. Koangan áner aya a tà ya kukewum ame iben ka ike̱ng iya i tù ku tas iben ne a tú ku tse̱k ba izizo̱ riyerek ikewum'e, á ta so̱ risam katuk be kunom dar gang.”

Ike̱ng a ta tonong aYohana 14:9

Ayong amaleka afe ataar bun a gor nama afe afa ame. Amaleka'me fe̱ be agbang kuto̱ ye, “Aner aya a ta ya kukewum na iben ka ike̱ng iya i ta tas kukewum'me ne a shim a tu ku tse̱k izizo̱ wu nubo̱k ka nati ayi,

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 18:24

Anong ne a ti to̱ kuwo̱p aBabila amok kamok naso̱k áner kuzarap ne nafe ázhe̱l'e áfe Adakunom ne nafe ánerawe á tá ka fe̱s ba nazatse.”

Ike̱ng a ta tonong aYohana 17:17

Kamok Adakunom sak naye̱ ba nong á ta shining ike̱ng iya wu tá shim. Ba tá shim a tá no̱o̱k kukewum'me kukyem ba nong a tin nye rigwo̱m ma izen iya a tana shining ike̱ng iya Adakunom ta fe̱.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 16:5

Iyong mi fok amaleka aya a tin sak riye̱ nashi tá fe̱ ye, “Amok na áya wan tan te̱n se gye̱r, wan afe i ta se gbugbang ne i bun i ku se kyo̱o̱rna. Wan nye Azhe̱l'e, kamok wan tá to̱ amok gye̱r.

aYakub 2:26

Kamok anong, kyo̱ndi kuro̱m ta se dar isong nye kukom, anong ne kuno̱o̱k katsak dar kutonong itomong nye kukom'e.

Ike̱ng a ta tonong aYohana 13:1

Ne mi di kukewum kukak ku ta sen wuruk kaye̱e̱r agbang kudung. Kukewum'me be átom kuso̱k be ace kanataar ne abong rigwo̱m kuso̱k natoon átom wu'me. A ti zibir riyerek kuzhe̱e̱sh Adakunom natoon koakye rice'me.

Ike̱ng a ta tonong aYohana 13:12

Ku ti nye itomong be kukyem kukewum kufe ime̱se̱ng'e ame. Ku bun sak kazatse ne áner á ta se kaye̱e̱r kazatse ta ya kukewum kufe ime̱se̱ng'e ame iben, ku ya kufor rice'me tá te kutser.