Ike̱ng a ta tonong aYohana 13:1 - Izere New Testament

¹ Ne mi di kukewum kukak ku ta sen wuruk kaye̱e̱r agbang kudung. Kukewum'me be átom kuso̱k be ace kanataar ne abong rigwo̱m kuso̱k natoon átom wu'me. A ti zibir riyerek kuzhe̱e̱sh Adakunom natoon koakye rice'me.

Ike̱ng a ta tonong aYohana 13:1 Referans Kwoze

Ike̱ng a ta tonong aYohana 12:3

Kuke̱ng kukak bun ku wuruk naza gbak. Kuke̱ng'e nye kukewum kukak kuseng ku ta se zhirim kyo̱ndi Kuwhen ku be ace kanataar be atom kuso̱k be abong rigwo̱m kanataar natoon ace'me.

Ike̱ng a ta tonong aYohana 17:3

Ayong amaleka'me ti sok kaye̱e̱r Kabik a tá tseng be mi kaye̱e̱r katse. Mi di abining akak azong a tan sonong natoon kukewum kukak kuseng ku ta be ayerek ritok nuro̱m wu be ace kanataar ne átom kuso̱k.

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 17:16

Kukewum kuseng'e ne átom kuso̱k'ong tà naka sak be inyak agwo̱m'me baꞌ. A tà turung koakye a tá be nong a tù ku won ica'me. Á tà ya rinam wu ne a ku shosh be kuro̱ng.

Ike̱ng a ta tonong aYohana 15:2

Iyong mi di ike̱ng ikak i ta se kyo̱ndi kudung agilas a tá min kare̱ be kuro̱ng. Ne mi di áner a tá canang ikewum ame be ike̱ng i tú ku tas ne izizo̱ riyerek wu ame, ba se nuyeseng nukim agbang kudung'e. Á se be ízom Adakunom tá ka nyesek ba.

Ike̱ng a ta tonong aYohana 17:5

A ti zibir riyerek rikak nati wu rife̱ sang akak ta ren ike̱ng i ta sor baꞌ ye, ababila ayiik'e, anyining inyak ágwo̱m cice̱r, anyining ike̱re̱ akye̱re̱ nazatse.

Ike̱ng a ta tonong aYohana 13:11

Iyong mi bun i di kukewum kukak, ku ta sen wuruk kaye̱e̱r iben. Ku be átom afa kyo̱ndi afe aturuk amma kufe̱ kanu kyo̱ndi Kuwhen ame.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 13:15

Á tu no̱o̱k kukyem nong a tin fe̱e̱p isong nike̱ng'e nong ase̱ ku ta kyem ku fe̱ kanu ne ku sak a ta fe̱r koangan a ta gaar ku kuya iben.

Ike̱ng a ta tonong aYohana 16:13

Ne mi di amaan nabik nataar kyo̱ndi ákpabor tá wuruk nanu kuwhen ame, be nanu kukewum ame ne nanu aner kuzarap afe abo̱o̱s.

Ike̱ng a ta tonong aYohana 19:19

Iyong mi di kukewum ame be ágwo̱m kazatse ne ásozha ba tá nyim nong á tá ko̱n be aner aya a ta se natoon itsaap ikan ame be ásozha afu.