Ike̱ng a ta tonong aYohana 12:17 - Izere New Testament

¹⁷ Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.

Ike̱ng a ta tonong aYohana 12:17 Referans Kwoze

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.

Ike̱ng a ta tonong aYohana 1:2

aYohana taas koakye ike̱ng wu tá di gye̱r. Itak'e nye rife̱ Adakunom ne itak natoon aYeso Kiristi.

Ike̱ng a ta tonong aYohana 13:7

A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

1 aYohana 5:2

Ana ne yir ren yir ye yir shim yir inoon Adakunom, ke yir shim yir Adakunom ne yir bun i nye yir ike̱re̱ wu ta fe̱ ye i ra nye yir.

1 aYohana 2:3

Ke yir nye yir ike̱re̱ Adakunom tá fe̱ ye i ra nye yir, iyong ne i ta tonong ye koangan yir ren Adakunom.

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 19:19

Iyong mi di kukewum ame be ágwo̱m kazatse ne ásozha ba tá nyim nong á tá ko̱n be aner aya a ta se natoon itsaap ikan ame be ásozha afu.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

Ike̱ng a ta tonong aYohana 17:6

Mi di abining'e tan feng be naso̱k áfikuus ázhe̱l'e wu tan so̱, ne nafe áner á ta no̱o̱k asheda natoon aYeso. Nizen iya mi tú ku di mi fok azhing dide̱ng.

1 aKoranti 2:1

Ároneng, nizen iya mi tá be̱ nufe yin i tá ka taas yin katsak Adakunom kaya ka ta se nune̱re̱ng, sang mi be̱ be kuren kanu ka be kutonong kukyem baꞌ.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

Ike̱ng a ta tonong aYohana 12:16

Amma kaben tobok abining'e. Kaben'e karak kanu ka tá wo̱no̱ng ashi aya Kuwhen'e tá kos.