Ike̱ng a ta tonong aYohana 12:11 - Izere New Testament

¹¹ Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 12:11 Referans Kwoze

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

1 aYohana 5:5

Angan ta kyem a canang kazatse'me e̱? Aya a ta no̱o̱k katsak ye aYeso ne a nye Igon Adakunom tsek.

1 aKoranti 15:57

Amma i be yir riye̱ rikan be Adakunom kamok an sak yir n nar yir agap riku kaye̱e̱r Agwo̱m Ágwo̱m yir aYeso Kiristi.

Ike̱ng a ta tonong aYohana 2:26

Aner aya a ta canang kazatse ne a nye ike̱ng iya mi ta shim ma nigang'e, mi tù ku no̱o̱k kukyem a tà nye rigwo̱m natoon kazatse cei kyo̱ndi mi ta shan kukyem'i nufe Ada mi. Kyo̱ndi a ta fe̱ ye, ‘A tin nye rigwo̱m natoon ba be ishe̱n kutso̱m, a tà ka fo ba kyo̱ndi a ta fo kadonong iben.’ Mi tu ku no̱o̱k adar kusetson.

aRom 16:20

Adakunom afe a ta nyesek kameneng riye̱ tà me̱re̱sh Ishetan sang be kubeseng izen baꞌ. Won ritek Agwo̱m Ágwo̱m yir aYeso tu se mak be yin.

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 3:12

Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

aLuka 14:26

“Ke aner aya a shim a tin kuus ma a rawu atek be anyining ne abining be inoon wu, ne áronyining be ángasnyining wu, be rice wu gip. Sang ke anong baꞌ, a tà kyem a te alimazhiri mi baꞌ.

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 1:2

aYohana taas koakye ike̱ng wu tá di gye̱r. Itak'e nye rife̱ Adakunom ne itak natoon aYeso Kiristi.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.

Ike̱ng a ta tonong aYohana 2:17

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k naya a ta ne̱r a ta yis ye, amanna. Mi tù ku no̱o̱k kuta kukan a ta min zibir riyerek rifas natoon'e. Akak kuse a ta ren riyerek'e baꞌ, ma ke aner aya afe a ta shan kuta'me.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 12:17

Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.