Ike̱ng a ta tonong aYohana 12:1 - Izere New Testament

¹ Ayong agbang ike̱ng azhing ikak wuruk natoon kaza. Ike̱ng'e nye abining akak a tá sok kunom a tin nye ares ne kufe̱n nabas atak wu. Ribong rigwo̱m wu nye ádar kuso̱k be afa.

Ike̱ng a ta tonong aYohana 12:1 Referans Kwoze

aLuka 21:25

“A tà di ike̱re̱ azhing kaye̱e̱r kunom be kufe̱n ne ádar. Ánerawe iben ze̱r ze̱r tà te titak nazatse, ne á daam kamok ashi ta ko̱n ne a tang agung.

Afisa 5:32

Iyuna nye agbang ike̱ng i tana ro̱ yin tana ren yin, amma mi ti fe̱ natoon aKiristi be áfikuus.

aMarkus 13:25

Ne ádar nes naza ne á kpas, ne agbang ike̱re̱ i ta se naza zuur cice̱r.’

aLuka 21:11

Kaben tà zu dide̱ng, ne a nye amaan izong. Iriri iro̱k ta yising ánerawe koake̱, ike̱re̱ i tana no̱o̱k ánerawe inyim tá wuruk ne ike̱re̱ azhing wuruk naza dide̱ng.

Ike̱ng a ta tonong aYohana 21:23

Agbang kuwo̱p'e tse̱r akanang kunom ka kufe̱n baꞌ, kamok kuyiik Adakunom ne kunye akanang'e ne Aturuk'e ne a nye apitila'me

Ike̱ng a ta tonong aYohana 15:1

Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

Ike̱ng a ta tonong aYohana 12:3

Kuke̱ng kukak bun ku wuruk naza gbak. Kuke̱ng'e nye kukewum kukak kuseng ku ta se zhirim kyo̱ndi Kuwhen ku be ace kanataar be atom kuso̱k be abong rigwo̱m kanataar natoon ace'me.

Ike̱ng a ta tonong aYohana 11:19

Iyong agbang kutu kuya Adakunom iben ku ta se kaye̱e̱r kaza karak ne mi di akpate kushu Adakunom kaye̱e̱r'e. Ne akanang akak wuruk be riwo̱ng ne kutasak iza be kuzuur kaben ne agbang rikarang.

Itomong Ámanzo 2:19

Mi tà tonong ánerawe kukyem mi natoon kaza be ike̱re̱ azhing aze nazatse. Naso̱k be kuro̱ng ne itsing tà tseng naza kyo̱ndi kuwun ta tseng be ane̱n.

aMatiyu 24:30

“Nizen iyong ne yin tà di yin kube̱ Igon Anerawe naza, ánerawe kazatse cice̱r tà korok ibo̱k nuto̱. Á ta di Igon Anerawe ta saase kaye̱e̱r ane̱n be kukyem ne kuyiik dide̱ng.

aGalati 6:14

Adakunom rin roon kuka ma ke mi tin ya kuka be kutigak Agwo̱m Ágwo̱m yir aYeso Kiristi nukon, be riku wu ne mi ku ni ike̱re̱ kazatse na, ne ike̱re̱ kazatse ne ku ni mi.

aMatiyu 12:38

Iyong áner kubo̱so̱p itsi akak ne áner aFarisi ákak fe̱ be aYeso ye, “Aner Kubo̱so̱p yir shim ta di yir wan nye ike̱ng ikak iya i tana tonong ye wan ne naza.”

Ike̱ng a ta tonong aYohana 21:14

A barak ribor kubar'e natoon ata kuso̱k be afa. A ti zibir ayerek ámanzo Aturuk ame kuso̱k be afa natoon'e.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.

aGalati 3:27

Kamok yin cice̱r áfe i ta te yin azining be aYeso kaye̱e̱r abatisma ne yin sok yin kuse aKiristi.

2 aKoranti 11:2

Mi be rifuup kamok yin, kuri rifuup riya Adakunom ta be natoon yin. Mi ma ka nye yin kanye̱k kuwe̱ne̱ng mak be aKiristi, mi shim yin tu sor yin zhe̱l nong mi ta ka nabak yin kyo̱ndi a ta no̱o̱k abining afas zhe̱l nasho̱o̱n amitek wu.

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

aRom 13:14

Amma i ban i naka kis yin be aYeso Kiristi Agwo̱m Ágwo̱m yir, sang i tu kuus yin amaan kuse rinerawe baꞌ.

aGalati 4:26

Amma aUshalima afe a ta se naza se nye̱k, wu ne a nye ango̱ yir.