Ike̱ng a ta tonong aYohana 11:8 - Izere New Testament

⁸ Ikom ba tà sor niren kaye̱e̱r agbang kuwo̱p a tin maas be aSodom ka aMasar ayi, naro̱ a tú ku tigak Agwo̱m Ágwo̱m ba.

Ike̱ng a ta tonong aYohana 11:8 Referans Kwoze

Ike̱ng a ta tonong aYohana 18:10

Á tà nyeseng gugo̱k kamok ba tá di risam ba, ne á fe̱ ye, “ ‘Wa tsek! Wa tsek, Wan agbang ayiik kuwo̱p aBabila, kuwo̱p aBabila ku ta be kukyem! Kaye̱e̱r awa azining a wor a tu to̱ amok.’

Ike̱ng a ta tonong aYohana 18:21

Ne agbang amaleka akak a tá be agap sok agbang kuta kukak ku ta gaar kyo̱ndi agbang ku ta ako̱ nong a ta barak kaye̱e̱r agbang kudung ne a fe̱ ye, “Ana ne a tà barak agbang kuwo̱p aBabila be agap kaben, a tà ba di baꞌ.

Ibrani 13:12

Anong ne aYeso di risam nama kuwo̱p, nong a ta sak ánerawe wu ta te zhe̱l kamok naso̱k wu.

Ike̱ng a ta tonong aYohana 18:18

Á tà tos nizen iya ba tá di itseng kuro̱ng ku ta sen ya kuwo̱p'e, á tà fe̱ ye, ‘Kuwo̱p kukak kun kuse ku tá be kuyiik kyo̱ndi agbang kuwo̱p na baꞌ.’

Ike̱ng a ta tonong aYohana 11:9

Kaye̱e̱r inom itaar be ribir, ánerawe koakye be irem ze̱r ze̱r ne izere ze̱r ze̱r ne iwo̱p ze̱r ze̱r tà be̱s á tà ye̱re̱k ikom'e ma a ta roon'e ye sang á tu ku ne̱se̱k ba baꞌ.

aZhud 1:7

Anong ne i se be aSodom ne aGomora ne iwo̱p iya i ta se bubarak be ba, iya i tá te rice ba ninye rikuna ma á kuus ike̱re̱ kuro̱m ife kurisik'e kyo̱ndi ámaleka'me tá nye. Ike̱ng iyong tonong kuri risam riya á tana so̱ kaye̱e̱r kuro̱ng kufe izen izen.

2 aBitrus 2:6

Adakunom shosh agbang iwo̱p aSodom be aGomora ma i te itong. Iyong tonong kuri ike̱ng i tana se̱ áya a ta nye anyas.

aMatiyu 10:15

Katsak'e ne mi ta ka tak yin, a tà nar kuro̱ riye̱ áner aSodom be áfe aGomora katuk amok be áner kuwo̱p kuyong.

Ike̱ng a ta tonong aYohana 18:2

A ta kuto̱ naza a tá fe̱ ye, “Kun kpa, ayiik kuwo̱p aBabila n kpa! Kun te karo̱ ítseng tu ku sor ne kasa koakye kuri amaan kabik be karo̱ kusor koakye kuri akpe̱rde̱k nanon naya na ta se kye̱re̱.

Ike̱ng a ta tonong aYohana 16:19

Agbang kuwo̱p ame kabak abas ataar ne ágbang iwo̱p kazatse kpas ze̱r ze̱r. Adakunom to̱ro̱ng be agbang kuwo̱p aBabila. Ayong a no̱o̱k aBabila'me kures ashi anap kufe agbang riye̱ kubeseng wu.

Ike̱ng a ta tonong aYohana 14:8

Amaleka afe afa bun a gor a ta fe̱ ye, “Kun kpa, Agbang kuwo̱p aBabila n kpa, kun kpa. Wu ne a sak ánerawe ni iwo̱p cei tá feng be ashi anap kamok amaan rikuna wu.”

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.

Ibrani 6:6

Gip be anong á tú ku bun kama kaye̱e̱r kuno̱o̱k katsak ba. Á ta ba kyem á be̱ ba nong á ta shishing kuse ba baꞌ, kamok ba tá bun á tigak Igon Adakunom ne á ku te isum kaye̱e̱r ánerawe.

Itomong Ámanzo 9:4

Ayong Ashawulu'me kpa kaben ne a fok kuto̱ tá fe̱ be wu ye, “Ashawulu, Ashawulu, akye̱ sak wan sen ni tabak e̱?”

Ike̱ng a ta tonong aYohana 18:24

Anong ne a ti to̱ kuwo̱p aBabila amok kamok naso̱k áner kuzarap ne nafe ázhe̱l'e áfe Adakunom ne nafe ánerawe á tá ka fe̱s ba nazatse.”

Ike̱ng a ta tonong aYohana 17:5

A ti zibir riyerek rikak nati wu rife̱ sang akak ta ren ike̱ng i ta sor baꞌ ye, ababila ayiik'e, anyining inyak ágwo̱m cice̱r, anyining ike̱re̱ akye̱re̱ nazatse.

Ike̱ng a ta tonong aYohana 17:1

Ayong azining kaye̱e̱r ámaleka kanataar ame áya a tá be nakereng kanataar ame be̱ á ta fe̱ be mi ye, “Be̱, mi tà ka tonong kuri risam mi tana no̱o̱k agbang inyak agwo̱m na, aya a ta nye agbang kuwo̱p a tá no̱k bubarak be karo̱ ísho̱ng tú ku se whe̱re̱.

Ike̱ng a ta tonong aYohana 14:20

A fi ashi anap'e nama kuwo̱p, naso̱k yiir wuruk naro̱'me ma na teng kyo̱ndi kudun a ta rosom nanu itsaap. Kugugo̱k naso̱k'e ta teng se kyo̱ndi akilomita iso̱k inyak itaar, ne kutsik'e se kyo̱ndi amita azining be ribir.

Ike̱ng a ta tonong aYohana 17:18

Abining aya wan ta di'me, nye agbang kuwo̱p ku tin nye rigwo̱m nagwo̱m kazatse.”