Ike̱ng a ta tonong aYohana 10:6 - Izere New Testament

⁶ Ayong a shu be riyerek wu aya a ta se ma izen izen, afe a tá nye kaza be koakye ike̱ng i ta se kaye̱e̱r'e. Wu aya a tá nye kazatse be koakye ike̱ng i ta se kaye̱e̱r'e, wu afe a ta nye ágbang ísho̱ng be ike̱re̱ i ta se kaye̱e̱r'e cei, yong amaleka'me fe̱ ye, “A ta ba beseng izen baꞌ.

Ike̱ng a ta tonong aYohana 10:6 Referans Kwoze

Ike̱ng a ta tonong aYohana 4:11

“Agwo̱m Ágwo̱m yir Adakunom, wan kyem ta shan kuyiik be rigwo̱m ne kukyem, kamok wan ne i nye ike̱re̱ cice̱r, Nu shim wan ne ike̱re̱'me kuse kamok anong i be kutser.”

Ike̱ng a ta tonong aYohana 16:17

Amaleka afe kanataar tseng a ta se misik ike̱ng iya i ta se kaye̱e̱r kakereng kafu natoon kaza. Iyong kuto̱ kukak wuruk be agap kaye̱e̱r agbang kutu kuya Adakunom iben naro̱ itsik rigwo̱m wu ye, “An gang!”

Ike̱ng a ta tonong aYohana 4:9

Ike̱re̱ inaas itser'ong bom abom riye̱ rikan, be nakerek ne a kuyiik, aner aya a ta sonong natoon itsik rigwo̱m'e, wu aya a tana sor ma izen izen'e. Koakye izen iya ba nye anong,

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ike̱ng a ta tonong aYohana 4:10

ne áko̱k kasho̱o̱n iso̱k ifa be anaas ame kpas kaben nasho̱o̱n wu aya a tá sonong ni itsik rigwo̱m ame, ne á ku ya iben, wu aya a tana sor ma izen izen ame. A turung abong rigwo̱m ba nasho̱o̱n itsik rigwo̱m'e ne á fe̱ ye,

Ike̱ng a ta tonong aYohana 6:11

Ayong a no̱o̱k koangan ba awe̱n kukpiin kukan, ne a fe̱ be ba ye á ra tor cie̱k gak ma izen iya a tana fe̱s ásam Adakunom áfudang ba be áronyining ba kyo̱ndi a tá ka fe̱s ba a gang.

Ike̱ng a ta tonong aYohana 12:12

Kamok anong, nye yin riye̱ rikan naza ne áya a ta sor kaye̱e̱r'e. Amma awo̱ be kazatse ne agbang adung, kamok Amaan Aner n tiik kaye̱e̱r yin. Riye̱ wu kun fuus kamok a ren ye izen wu ba gop baꞌ.”

Ike̱ng a ta tonong aYohana 21:6

A bun a fe̱ be mi ye, “An gang! Mi ne i nye Alfa ne aOmega. I ta sor ye mi ne i nye ime̱se̱ng'e ne i nye igang'e. Koangan afe a ta fok kuto̱ kukoor, mi tì ku no̱o̱k ashi a ta wuruk kaye̱e̱r itop ashi ife kutser nawarak nong a tà so̱.