Ike̱ng a ta tonong aYohana 10:5 - Izere New Testament

⁵ Ayong amaleka aya mi tú ku di nunyeseng kutak kuzining natoon ashi ne kufe afa niben ikoor ame sok kubo̱k riya wu naza.

Ike̱ng a ta tonong aYohana 10:5 Referans Kwoze

Ike̱ng a ta tonong aYohana 16:17

Amaleka afe kanataar tseng a ta se misik ike̱ng iya i ta se kaye̱e̱r kakereng kafu natoon kaza. Iyong kuto̱ kukak wuruk be agap kaye̱e̱r agbang kutu kuya Adakunom iben naro̱ itsik rigwo̱m wu ye, “An gang!”

Ike̱ng a ta tonong aYohana 14:7

Iyong amaleka'me ta kuto̱ be agap a ta fe̱ ye, “Tiyiik yin Adakunom, ne i kerek yin kuyiik wu! Kamok kyo̱o̱rna izen n nye a tana to̱ kazatse cice̱r amok. Ku ya yin iben, wu ne a nye kaza be kaben, be agbang adung ne itop ashi.”

Ike̱ng a ta tonong aYohana 10:2

Kukpa izibir kukak kuhiir'e se nukarak nubo̱k wu. A nyeseng be kutak riya natoon ashi, kufe rimen se niben ikoor.

Ike̱ng a ta tonong aYohana 4:11

“Agwo̱m Ágwo̱m yir Adakunom, wan kyem ta shan kuyiik be rigwo̱m ne kukyem, kamok wan ne i nye ike̱re̱ cice̱r, Nu shim wan ne ike̱re̱'me kuse kamok anong i be kutser.”

Itomong Ámanzo 14:15

“Aro̱, akye̱ sak yin ta nye yin ana e̱? Yir gip yir nye yir ánerawe kyo̱ndi yin tsek. Yir ma ka be̱e̱n yin Rife̱ Ritek ye yin ru won yin kunye akpe̱de̱ng ike̱re̱ na nong tu ku bun yin nufe Adakunom afe kutser aya a ta nye kaza be kaben ne isho̱ng be ike̱re̱ iya i ta se kaye̱e̱r'e peer.

Ike̱ng a ta tonong aYohana 4:9

Ike̱re̱ inaas itser'ong bom abom riye̱ rikan, be nakerek ne a kuyiik, aner aya a ta sonong natoon itsik rigwo̱m'e, wu aya a tana sor ma izen izen'e. Koakye izen iya ba nye anong,

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ibrani 6:13

Nizen iya Adakunom tá no̱o̱k kuto̱ be Ibrahim, a nye be kushu. A shu be riyerek wu kamok akak tu nar yiik nong a tin nye kushu be wu baꞌ.

aRom 1:20

Kamok kuse Adakunom kuya sang a ta kyem a di be anyisi baꞌ, nye kukyem kufe izen izen ne kuse wu ku ta tonong ye wu nye Adakunom, amma kum nizen iya a ta nye kazatse a tú ku tonong ba kanang kaye̱e̱r ike̱re̱ a tá nye nong fan akak bu se̱ ike̱ng iya a tanin fe̱ kanu natoon'e.

Itomong Ámanzo 17:23

Kamok nizen iya mi tá tseng i gorok kaye̱e̱r kaben'e. Mi di abagadi akak a ta min zibir ye: KAMOK ADAKUNOM AYA SANG A TU KU REN BAꞌ. To̱, wu aya yin tu ku ya yin iben amma sang yin ra ku ren yin baꞌ, wu ne mi shim ta ka tak yin.