Ike̱ng a ta tonong aYohana 1:5 - Izere New Testament

⁵ aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Ike̱ng a ta tonong aYohana 1:5 Referans Kwoze

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

aKolosi 1:18

Wu ne a nye rice kuro̱m'e ku ta nye áfikuus cice̱r. Wu ne a nye ritin'e ne a nye ime̱se̱ng'e kaye̱e̱r áya a tá san kudorok nure̱k, nong a se̱ kaye̱e̱r koakye wu ne a ta nar be kuyiik.

1 aBitrus 1:19

Amma a tá ka she̱sh yin be naso̱k aKiristi na ta se yiik, aya ta se kyo̱ndi aturuk asidaka, a se zhe̱l dar rine̱n ka rizik ka inya ayi.

Itomong Ámanzo 26:23

Á ta fe̱ ye aKiristi ta so̱ risam. A ta nye ime̱se̱ng'e kaye̱e̱r áya a tana dorok. Be anong a ta be̱e̱n ánerawe wu áner aYahuda be áya sang á ta nye áner aYahuda baꞌ, akanang itak kashesh.”

Ike̱ng a ta tonong aYohana 19:16

Natoon kukpiin wu be natoon ishurtak'e, a ti zibir riyerek rikak ye, agwo̱m ágwo̱m afe a tin nye rigwo̱m natoon ágwo̱m.

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

1 aTimoti 6:15

Kube̱ aYeso ta se nizen iya Adakunom ta di i tu se gye̱r. Adakunom ne a nye aya ánerawe tu ku kerek, ne wu ne a be kukyem cei, agbang Agwo̱m Ágwo̱m, Agwo̱m natoon ágwo̱m cei.

Afisa 2:4

Amma Adakunom be kuro̱ riye̱ dide̱ng, kushim wu natoon yir se makiyi,

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

1 aTimoti 6:13

Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye,

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

aYohana 15:9

“Kyo̱ndi Ada'me tin shim anong ne mi ma ka shim yin. To̱, sor yin kaye̱e̱r kuri kushim kuya mi ta ka kushim yin.

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aRom 8:37

Wayo, kaye̱e̱r ike̱re̱ na cice̱r, yir nar yir agap áya a tana fe̱ ye á be agap kaye̱e̱r aYeso aya a tin shim yir.

aYohana 13:34

“Itsi ifas ne mi ta tak yin ye; Yin ra naka shim yin. Kyo̱ndi mi tá ka shim yin, anong ne yin tana ka shim yin dim.

aYohana 3:32

Ike̱re̱ iya wu ta di ne a fok ne wu fe̱ natoon'e, gip be anong ko akak shan rife̱ wu baꞌ.

aYohana 3:11

Katsak'e ne mi ta ka tak, yir fe̱ yir natoon ike̱re̱ yir ta ren yir, ne iya yir ta di yir, gip be anong yin ti no̱o̱k yin katsak nike̱ng ife yir ta fe̱ yir baꞌ.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aRom 3:25

Adakunom no̱o̱k aYeso nong a tá sor asidaka kure̱ng rine̱n yir. A re̱ng ánerawe rine̱n ba kamok kuno̱o̱k katsak ba natoon kunyosong naso̱k wu. Adakunom nye anong, nong a tá tonong katsak be kuse kutek wu, kamok gbugbang, Adakunom kaye̱e̱r kuwhiwhe̱ wu a ye̱re̱k rine̱n anerawe wha.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 11:3

Mi tà ka no̱o̱k asheda mi afa kukyem nong a tin zarap ma kuko̱s izungu izining be iso̱k inyak ifa be iso̱k igataar.” (1,260) A ta te agye̱e̱r ares nong á ta tonong riye̱ riwe ba.

Ike̱ng a ta tonong aYohana 19:11

Mi di kaza nukarak ne i di itsaap ikan nunyeseng. A yis aner aya a tin ngarak natoon itsaap'e ye Aner Katsak be Katsak. A to̱ amok natoon katsak ne a nye itsom kamok katsak.