Ike̱ng a ta tonong aYohana 1:3 - Izere New Testament

³ Aner riye̱ rikan ne a nye aner aya a ta fa ike̱re̱ na ife aner kuzarap na tá zibir. Aner riye̱ rikan ne a nye aner aya a ta fok ne a kuus ike̱ng iya a ta zibir kaye̱e̱r kufumung na, kamok izen n be̱ barak ike̱re̱ na tana nye.

Ike̱ng a ta tonong aYohana 1:3 Referans Kwoze

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

Ike̱ng a ta tonong aYohana 22:10

Ayong a fe̱ be mi ye, “Sang tu whe̱e̱n kuzarap kaye̱e̱r kufumung na baꞌ, kamok izen'e m be̱ barak.

aRom 13:11

To̱, kuus yin ike̱re̱ na kamok yin ren yin kuri izen afe yir tin se yir. Izen n nye ife yin tana shiming yin nida, kamok izen kashesh yir n be̱ bubarak kyo̱o̱rna nar nizen iya yir tin no̱o̱k yir katsak ni ime̱se̱ng'e.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

Ike̱ng a ta tonong aYohana 22:12

“Di yin, Mi saase kyo̱o̱rna! Ishorong yin se nunaan, mi tà karang koangan tite̱re̱ be ike̱ng ife wu tá nye.

2 aBitrus 3:8

Ároneng ike̱ng ikak kuse izining mi ta shim yin tú tiburum yin'e baꞌ ye, kunom kuzining se kyo̱ndi aye̱ izungu izining nufe Agwo̱m Ágwo̱m ne aye̱ izungu izining se kyo̱ndi kunom kuzining.

Ike̱ng a ta tonong aYohana 22:20

Wu aner aya tin taas ike̱re̱ na, fe̱ ye, “Ei, Mi saase kyo̱o̱rna.” Anong. Be̱, Agwo̱m Ágwo̱m yir, aYeso.

aMatiyu 24:15

“Kamok anong, ke yin di yin amaan ike̱ng nunyeseng naro̱ ka ta se zhe̱l kyo̱ndi aDaniel aner kuzarap tá fe̱. (Won yin áfe kufa'me tu ren yin anong.)

aRom 13:12

Katuk m be̱ barak ka ta gor, kadiding n be̱ barak ka ta karak. Kamok anong, i wobok yir amaan kunye afurin nukim ne i te yir ike̱re̱ itsom ife akanang.

Ike̱ng a ta tonong aYohana 3:11

Mi saase kyo̱o̱rna. Kamok anong yiir kuno̱o̱k katsak wan kpa fan akak bin shan ribong ishorong wan.