Ike̱ng a ta tonong aYohana 1:16 - Izere New Testament

¹⁶ A yiir ádar kanataar nubo̱k riya wu, kaye̱e̱r kanu wu kutsor kuso̱p wuruk kuya ku tá ya dide̱ng abas afa. Kanyisi wu se kanang kyo̱ndi katite kunom.

Ike̱ng a ta tonong aYohana 1:16 Referans Kwoze

Ibrani 4:12

Katsak'e rife̱ Adakunom be kutser ne ri be agap itomong. Agap wu nar afe awe̱n iya i i ta ya abas afa. a te̱m ma kaye̱e̱r kuro̱m ánerawe nong a ta kam kutser be kabik ne ikap be ise̱re̱, ma i ren kuto̱ro̱ng riye̱ anerawe be kunye wu.

Ike̱ng a ta tonong aYohana 2:16

Kamok anong shishing kuse wan. Ke anong baꞌ, mi tà be̱ nufuan zizirik nong tà ba ka te̱se̱ng ba be itsor iso̱p i tan wuruk nanu mi.

Ike̱ng a ta tonong aYohana 19:15

Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

Ike̱ng a ta tonong aYohana 2:12

“Zibir amaleka ikilisiya aPagamum'e ye: Rife̱ na ne nufe aner aya a ta be awe̱n itsor iso̱p iya i ta ya abas afa dide̱ng.

Afisa 6:17

Te yin kashesh yin kyo̱ndi ribong kutso̱m ne awe̱n itsor ife Kabik Kazhe̱l'e iya i ta nye rife̱ Adakunom.

Ike̱ng a ta tonong aYohana 19:21

A fe̱s ribir ásozha ame ákak be itsor i tá wuruk nanu aner aya ta se natoon itsaap ikan ame. Iyong nanon ti kumung rice ba ni iya ikom'e.

aMatiyu 17:2

Iyong kanyisi wu shishing nasho̱o̱n ba. Kanyisi wu'me te kanang kyo̱ndi kunom ne ares wu kare̱p pes.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.

Ike̱ng a ta tonong aYohana 3:1

“Zibir amaleka ikilisiya aSardis'e ye: Rife̱ na ne nufe aner aya a ta be nabik Adakunom kanataar ne a yiir ádar kanataar nubo̱k wu. Mi ren kunye wan. Ánerawe ta di kyo̱ndi wan nye atser aser wan nye kukom'e.

Itomong Ámanzo 26:13

Nabas katite kunom, kunom ra be rigwo̱m, Adagwo̱m, mi ta se niren'e mi di akanang aya a ta nar kunom ta ne naza a tin samang natoon'i be áfudang'i.

Ike̱ng a ta tonong aYohana 12:1

Ayong agbang ike̱ng azhing ikak wuruk natoon kaza. Ike̱ng'e nye abining akak a tá sok kunom a tin nye ares ne kufe̱n nabas atak wu. Ribong rigwo̱m wu nye ádar kuso̱k be afa.

Ike̱ng a ta tonong aYohana 10:1

Ne mi bun i di agbang amaleka akak ne naza a sen tisik kaben. A mu ku kis be ane̱n be itsereng natoon rice wu. Kanyisi wu se kyo̱ndi kunom ne atak wu seng kyo̱ndi atse̱n kuro̱ng.

Ike̱ng a ta tonong aYohana 2:1

“Zibir amaleka ikilisiya Afisa'me ye: Rife̱ na ne nufe aner aya a ta yiir ádar kanataar nubo̱k riya wu, a ta tsang a tseng kaye̱e̱r ike̱re̱ kanataar a tin tes kuro̱ng ife a tá nye be izinariya ame.