Ike̱ng a ta tonong aYohana 1:11 - Izere New Testament

¹¹ ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Ike̱ng a ta tonong aYohana 1:11 Referans Kwoze

Ike̱ng a ta tonong aYohana 3:1

“Zibir amaleka ikilisiya aSardis'e ye: Rife̱ na ne nufe aner aya a ta be nabik Adakunom kanataar ne a yiir ádar kanataar nubo̱k wu. Mi ren kunye wan. Ánerawe ta di kyo̱ndi wan nye atser aser wan nye kukom'e.

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

Ike̱ng a ta tonong aYohana 2:18

“Zibir amaleka ikilisiya aTiyatira ye: Rife̱ na ne nufe Igon Adakunom, aya anyisi wu ta se kyo̱ndi icen kuro̱ng ne atak wu gye̱se̱m kyo̱ndi kutso̱m.

Ike̱ng a ta tonong aYohana 2:12

“Zibir amaleka ikilisiya aPagamum'e ye: Rife̱ na ne nufe aner aya a ta be awe̱n itsor iso̱p iya i ta ya abas afa dide̱ng.

Ike̱ng a ta tonong aYohana 2:8

“Zibir amaleka ikilisiya aSamirna'me ye: Rife̱ na ne nufe aner aya a ta nye Ime̱se̱ng'e ne a nye Igang'e, wu ne a ku a tá bun a dorok be kutser.

Afisa 1:1

Mi aBulus, aya i ta te amanzo aYeso Kiristi nushim Adakunom, mi ne i sen ka zibir yin kufumung na yin ázhe̱l'e áya a ta se kaye̱e̱r kuwo̱p Afisa, áya a ta kuus aYeso Kiristi be katsak.

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

Ike̱ng a ta tonong aYohana 10:4

Nizen akparam kanataar'e tá fe̱ kanu, mi shim ta zibir rife̱'me, amma mi fok kuto̱ kukak naza ye, “Sang tu zibir ike̱re̱ iya akparam'e tá fe̱ baꞌ.”

Ike̱ng a ta tonong aYohana 1:19

“Kamok anong zibir ike̱re̱ iya wan ta ye̱re̱k kyo̱o̱rna ne ike̱re̱ iya i tana nye nama iyuna.

Ike̱ng a ta tonong aYohana 1:8

Agwo̱m Ágwo̱m yir Adakunom fe̱ ye, “Mi ne i nye Alfa ne aOmega. Wu tu se gbugbang, wu ne a kuse kyo̱o̱rna, wu ne a tà bun a be̱. Mi ne i nye afe kukyem cice̱r.”

1 aTimoti 1:3

Kyo̱ndi mi tá tsang i fe̱ be wan nizen iya mi tá se niren kutseng na aMakidoniya ye, wan ri fan kaye̱e̱r kuwo̱p Afisa nong ta te̱ne̱ng áner'ong á ta bo̱so̱p ánerawe abo̱o̱s.

Ike̱ng a ta tonong aYohana 1:17

Mi ta fa ku di ne mi kpa nasho̱o̱n wu kyo̱ndi kukom. Ayong a ti sak kubo̱k riya wu ni mi, a tá fe̱ ye, “Sang tu fok inyim baꞌ. Mi ne i nye Ime̱se̱ng'e ne i nye Igang'e.

Ike̱ng a ta tonong aYohana 1:2

aYohana taas koakye ike̱ng wu tá di gye̱r. Itak'e nye rife̱ Adakunom ne itak natoon aYeso Kiristi.

1 aKoranti 16:8

Amma mi ta sor gak aze na Afisa ma katuk riye̱ rikan aPentakos,

1 aKoranti 15:32

Ke mi ko̱n be ámaan ikewum na Afisa be kuto̱ro̱ng rinerawe tsek, akye̱ ne mi tin se̱ e̱? Sang ke i nye áfe a tan kus ta dorok baꞌ, “Won i ta ya ne i so̱ yir, kamok natson ta kus yir.”

Itomong Ámanzo 20:17

Izen iya aBulus ta se na aMilitus, a tom ye a ru ku yis áko̱k kasho̱o̱n áfikuus Afisa.

Itomong Ámanzo 18:24

To̱, aner aYahuda'me akak riyerek wu tá nye Apolos, a nye aner kuwo̱p Alekzandiriya, a be̱ na Afisa. A ren rife̱ dide̱ng, a ren ike̱re̱ iya i ta se kaye̱e̱r afumung rife̱ Adakunom dide̱ng.

Itomong Ámanzo 16:14

Abining akak kaye̱e̱r áya afe a tin foos yir nye aLidiya. A nye abafe aTiyatira'me, a re̱e̱s ares a ta be itso̱m, a be inyim Adakunom.

aKolosi 2:1

Mi shim yin tu ren yin kuri iso̱r mi ta min te kamok yin ne ánerawe á ta se na aLaudikiya, ne áya sang á ta kun min di cice̱r baꞌ.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.

Ike̱ng a ta tonong aYohana 2:1

“Zibir amaleka ikilisiya Afisa'me ye: Rife̱ na ne nufe aner aya a ta yiir ádar kanataar nubo̱k riya wu, a ta tsang a tseng kaye̱e̱r ike̱re̱ kanataar a tin tes kuro̱ng ife a tá nye be izinariya ame.

Ike̱ng a ta tonong aYohana 2:24

Amma yin ribir'e, i ta se yin na aTiyatira, i ta kuus yin kubo̱so̱p wu baꞌ, yin bo̱so̱p yin ike̱re̱ iya á ta yis ye, Ike̱re̱ Ishetan i ta se tsik, baꞌ. Mi shim tà ka tak yin ye, mi ta ka no̱o̱k yin acer akak baꞌ.

Ike̱ng a ta tonong aYohana 3:4

Amma gip be anong, yin be yin ánerawe cie̱k kaye̱e̱r yin na aSardis áya a tan riir ares ba be rine̱n baꞌ. Á ta te ares akan nong á ta tseng mak be mi kamok ba kyem á ta tseng mak be mi.

Ike̱ng a ta tonong aYohana 22:10

Ayong a fe̱ be mi ye, “Sang tu whe̱e̱n kuzarap kaye̱e̱r kufumung na baꞌ, kamok izen'e m be̱ barak.

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”