Ike̱ng a ta tonong aYohana 1:10 - Izere New Testament

¹⁰ Katuk ime̱se̱ng'e na asate, izen iya mi ta se kaye̱e̱r Kabik, ne mi fok kuto̱ kukak ku ta fe̱ be mi be agap kyo̱ndi rigba nama mi

Ike̱ng a ta tonong aYohana 1:10 Referans Kwoze

Ike̱ng a ta tonong aYohana 21:10

Ayong a ti sok kaye̱e̱r kabik a tá tseng be mi natoon agbang kawhanang kakak ka ta se ring ring nong a ta sen tonong Agbang Kuwo̱p Kuzhe̱l'e, a ta yis ye aUshalima. Ku se be kuwuruk kaye̱e̱r kaza nufe Adakunom, ku ta sen tiik kaben.

Ike̱ng a ta tonong aYohana 17:3

Ayong amaleka'me ti sok kaye̱e̱r Kabik a tá tseng be mi kaye̱e̱r katse. Mi di abining akak azong a tan sonong natoon kukewum kukak kuseng ku ta be ayerek ritok nuro̱m wu be ace kanataar ne átom kuso̱k.

Itomong Ámanzo 20:7

Katuk ime̱se̱ng na asate, yir nyim yir naro̱ kazining nong i tá ya yir abiredi. aBulus taas ánerawe Rife̱ Ritek dide̱ng, kamok a tá ren wu tá dorok nayatson'e, yong a ya kasho̱o̱n be rife̱ ma natite katuk.

1 aKoranti 16:2

Koakye kunom ime̱se̱ng'e na asate, koangan yin ra sak itso̱m íkak nukim, tite̱re̱e̱ be ike̱ng iya wu tá se̱s, nong ta sak yin, nong ase̱ ke mi be̱, sang yin tà ba tusung yin ike̱ng ikak baba baꞌ.

aYohana 20:19

Kawheshirim tá fa nye katuk ime̱se̱ng'e na asate, nizen iya álimazhiri aYeso tá se naro̱ kazining. A n whe̱se̱ng nanu kutu kamok inyim áko̱k kasho̱o̱n áner aYahuda. Ayong Yeso wuruk a tá nyeseng natite ba, ne a fe̱ be ba ye, “Kameneng riye̱ ra se mak be yin.”

aMatiyu 22:43

Ayong aYeso fe̱ be ba ye, “To̱, akye̱ sak aDauda, Kabik Kazhe̱l'e ta se be wu, tú ku yis ye ‘Agwo̱m Ágwo̱m e̱,’ kamok aDauda fe̱ ye,

aYohana 20:26

Nama inom ikara, álimazhiri wu se kaye̱e̱r kasa ame gbak, aToma se mak be ba makong. Nanukutu se nuwhe̱se̱ng, amma aYeso be̱ a tá nyeseng natite ba, a tá fe̱ ye, “Kameneng riye̱ ra se mak be yin.”

1 aKoranti 12:3

Kamok anong mi shim yin tu ren yin ye, aner akak kuse aya a ta be Kabik Adakunom a tana fe̱ ye, “A ra fiming aYeso baꞌ.” Akak kyem a ta fe̱ ye, “aYeso nye Agwo̱m Ágwo̱m” baꞌ, ma ke a be Kabik Kazhe̱l'e.