Biblia Todo Logo
Bib sou entènèt

- Piblisite -




Ibrani 9:28 - Izere New Testament

28 anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

Gade chapit la Kopi




Ibrani 9:28
42 Referans Kwoze  

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.


A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.


Riku'ong a ta ku kamok rine̱n, a ku kutak kuzining tsek. Amma kusor wu a tá sor, a sor kamok kuyiik Adakunom.


Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.


Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.


Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.


Ayong áner'e fe̱ ye, “Yin áner aGalili, kamok akye̱ yin nyeseng yin i ta ye̱re̱k yin kaza e̱? aYeso a tú ku sok nufe yin na a ta tseng naza, a tà bun a be̱ ana kyo̱ndi yin ta di yin a tá tseng kaye̱e̱r kaza.”


ne i tor yin izen kube̱ Igon wu a tana ne naza. Adakunom tú ku dorok be kutser, wu ne a nye aYeso aya a tanin shesh yir kaye̱e̱r riye̱ kubeseng ri tà saase.


Iyu ne i nye naso̱k'i, nafe kushu kufas na, aya a tana nyosong kamok ánerawe whe̱re̱ nong a tin re̱ng rine̱n ba.


Tor yin Kunom Kube̱ Adakunom be ifeng, ni barang yin kanye̱k dide̱ng nong ta di yin ye a be̱ zizirik. Katuk kayong a ta shosh kaza be kuro̱ng. Ike̱re̱ á tin nye kaza be kaben cei ta te wuyong.


Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.


Izen iya ne ife kusor ma izen izen'ong kis iya i tana baan baꞌ, ne ife i tana won dar ku, kis iya i tana ku, nizen iyong ne a ta shining ike̱ng iya a ta zibir kaye̱e̱r rife̱ Adakunom ye, “An wo̱no̱ng riku, kamok a nar agap wu.”


Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.


Ke mi tseng i ta se ka nye yin karo̱'me, mi tà bun i be̱ ta ba ka sok yin nong tà se yin mak be mi. Yin ta se yin naro̱ mi tana ku se gip.


Di yin, a saase kaye̱e̱r ane̱n, koangan tù ku di, cei be áya a tú ku fe̱r. Ánerawe kazatse cice̱r tà tos kamok wu. Katsak'e! I se anong. Anong!


Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.


Amma yin ren yin ye ike̱ng i tá sak aYeso tá be̱ nye, nong a ta sok rine̱n yir. A nye rine̱n baꞌ.


To̱, ároneng natoon izen kube̱ Agwo̱m Ágwo̱m yir aYeso Kiristi ne izen a tanin tusung yir cice̱r nasho̱o̱n wu, yir ta nye yin izong ye,


Kamok anong yin dun yin kunang kabik ta nyesek baꞌ, yin ta sen tor yin kube̱ Agwo̱m Ágwo̱m yir aYeso Kiristi be ifeng.


Amma kunang Adakunom tá no̱o̱k warak se kyo̱ndi rine̱n Adamu tá nye baꞌ. Ánerawe whe̱re̱ tá kus kamok rine̱n aner azining'ong, a tá nye Adamu. Amma ritek Adakunom nar ma ánerawe whe̱re̱ se̱ kunang wu a tá nye kamok ritek aner azining na, a ta nye aYeso Kiristi.


Sang a no̱ kaye̱e̱r kaza a tá no̱o̱k rice wu ne a toos'e kyo̱ndi agbang atsi ta no̱o̱s Naro̱ ka ta Nar Kuse Zhe̱l koakye riye̱ be naso̱k naya sang na ta nye nafu baꞌ.


Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”


“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.


Adakunom no̱o̱k aYeso nong a tá sor asidaka kure̱ng rine̱n yir. A re̱ng ánerawe rine̱n ba kamok kuno̱o̱k katsak ba natoon kunyosong naso̱k wu. Adakunom nye anong, nong a tá tonong katsak be kuse kutek wu, kamok gbugbang, Adakunom kaye̱e̱r kuwhiwhe̱ wu a ye̱re̱k rine̱n anerawe wha.


Ámaleka cice̱r nye nabik naya na ta nye áner á ta se̱ kashesh itomong.


yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.


Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.


A se kyo̱ndi ribir ágbang atsi baꞌ, a nye asidaka koakye katuk kamok rine̱n wu ni ime̱se̱ng'e nizham a ta ra nye kamok ánerawe baꞌ. Amma a nye asidaka kamok rine̱n ánerawe cice̱r kutak kuzining nizen iya a tá no̱o̱k rice wu.


Be kushim Adakunom ne yir n te yir azhe̱l'e be kuno̱o̱k aYeso Kiristi kyo̱ndi asidaka kutak kuzining tsek.


Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.


Sor yin kaye̱e̱r kushim Adakunom ne i tor yin Agwo̱m Ágwo̱m yir aYeso Kiristi aya kamok kuro̱ riye̱ a ta tseng be yir kaye̱e̱r kutser kufe izen izen.


Swiv nou:

Piblisite


Piblisite