Ibrani 9:23 - Izere New Testament

²³ Nizen iyong, a nye anong be ike̱re̱ ife i tá tas ife kaza nong i tà te zhe̱l. Amma ike̱re̱ kaza'me ta te zhe̱l be asidaka aya a ta nar ayu.

Ibrani 9:23 Referans Kwoze

Ibrani 10:4

Kamok naso̱k amung be izha ta kyem i kusu rine̱n nigaan'e baꞌ.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.

Ibrani 8:5

Nizen iya a ta nye itomong naro̱ kaya ka ta nar kuse zhe̱l, a maas ne a kuus nawu ike̱ng iya a ta nye kaye̱e̱r kaza tsek. Iyong ne i sak a tá kpam aMusa nizen iya a tá tse̱r a tá tar kubur a tanin ya Adakunom iben ye, “Sak riye̱ nong ta nye koakye ike̱ng kyo̱ndi mi ta ka tonong natoon rifan.”

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

aKolosi 2:17

Ike̱re̱ na se kyo̱ndi nawu ike̱re̱ i tana be̱ tsek, amma aKiristi ne a nye kunik'e

aLuka 24:46

Ne a bun a fe̱ be ba ye, “Ike̱ng i ta se ni izibir na ye. aKiristi'me tà so̱ risam, a tà ku, ne a dorok nure̱k katuk afe ataar.

aLuka 24:26

Aser, sang ma aKiristi so̱ risam ike̱re̱ na cice̱r, a ta ra se̱ kuyiik wu aꞌa?”

Ibrani 10:1

Itsi nye nawu ike̱re̱ itek i tana be̱ tsek sang atuk kunik ike̱re̱'me baꞌ. Iyong ne isak asidaka aya a tá yiir nye'me koakye izen, aye̱ be aye̱ tá sak áya a ta be̱s kuya Adakunom iben ta te zhe̱l baꞌ.

aYohana 14:3

Ke mi tseng i ta se ka nye yin karo̱'me, mi tà bun i be̱ ta ba ka sok yin nong tà se yin mak be mi. Yin ta se yin naro̱ mi tana ku se gip.

Itomong Ámanzo 23:15

Kamok anong kyo̱o̱rna yin be áko̱k kasho̱o̱n tom yin nufe aritek ásozha ye á ra ka be̱e̱n yin aBulus'e ye yin shim ta bun i fok yin rife̱ wu gye̱r. Yir tu ku fe̱r yir nizham a ta ra be̱ aze.”