Ibrani 9:19 - Izere New Testament

¹⁹ Nizen iya aMusa tá tak ánerawe Itsi, a sok naso̱k inoon inyak ne nafe izha a tin gung be ashi. Ne a sok iwhang kakon kakak a ta yis ye aHisop mak be nakuyo̱ng ítsamang naseng a ta shumung, a tin mis naso̱k'e natoon kufumung Itsi ne ánerawe cice̱r.

Ibrani 9:19 Referans Kwoze

Ibrani 9:12

A no̱ be naso̱k izha ka amung baꞌ. A no̱ naro̱ ka ta nar Kuse Zhe̱l be naso̱k wu kutak kuzining tsek nama a tin se̱ yir kashesh kafe izen izen.

Ibrani 10:4

Kamok naso̱k amung be izha ta kyem i kusu rine̱n nigaan'e baꞌ.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

aYohana 19:5

Nizen iya aYeso tá wuruk an te ribong ikiritsan be awe̱n kukpiin ame ne aBilatus fe̱ be ba ye, “To̱, aner'e na!”

aYohana 19:2

Ne ásozha'me karam ikiritsan nong á ta te aYeso'me rice. Ne á kute kuwe̱n kukpiin kuseng kyo̱ndi kufe agwo̱m.

aMarkus 15:20

Á tá fa gang ku kukok ko'me ne á ma tun kukpiin kuseng ame nong á tá bun á ku te ares wu. Á tá ma tseng be wu nong á tá su ku tigak.

aMarkus 15:17

Ne á kute kukpiin kukak kuso̱p kuseng kuri kufe ágwo̱m ne a karam ikiritsan nong a tú ku te'me rice kyo̱ndi ribong rigwo̱m.

aMatiyu 27:28

Ne á ku turung ares, a tú ku te ko kukak kuseng kuri kufe agwo̱m.

Ibrani 12:24

Yin n be̱ yin nufe aYeso a ta igaas kushu kufas, ne nufe naso̱k a ta mis na ta be ritek ne na nar naso̱k aHabila.

Ibrani 1:1

Gbugbang, Adakunom fe̱ kanu be átukop yir ni iren ze̱r ze̱r ne nizen ze̱r ze̱r be aner kuzarap.

Ibrani 9:13

Naso̱k izha be amung be itong inyak ife a ta man a mis áfe rine̱n'e ta sak á ta te zhe̱l nama kuro̱m tsek,

Ibrani 9:18

Iyong ne i sak a kyem a ninye itomong be kushu kufe ime̱se̱ng'e dar naso̱k baꞌ.

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.