Ibrani 9:11 - Izere New Testament

¹¹ Nizen iya aYeso tá be̱, wu ta nye agbang atsi afe ike̱re̱ itek iya i tan be̱ nakuruk, kubur kuya wu tin nye itomong kaye̱e̱r'e se yiik ne ku nar. Ku nar kubur kuya anerawe ta tar zhe̱l, kubur'ong nye kufe kazatse na baꞌ.

Ibrani 9:11 Referans Kwoze

2 aKoranti 5:1

Kyo̱o̱rna, yir ren yir ye ke a yirik abur yir afe yir tin sor yir, iro̱m yir, Adakunom be rice wu tin no̱k yir kasa kaye̱e̱r kaza. Kasa'ong sang anerawe ne a no̱k baꞌ, ka ta sor ma izen izen.

Ibrani 10:1

Itsi nye nawu ike̱re̱ itek i tana be̱ tsek sang atuk kunik ike̱re̱'me baꞌ. Iyong ne isak asidaka aya a tá yiir nye'me koakye izen, aye̱ be aye̱ tá sak áya a ta be̱s kuya Adakunom iben ta te zhe̱l baꞌ.

aMarkus 14:58

“Yir tú ku fok yir a tá fe̱ ye, ‘Mi ta yirik kutu kuya Adakunom iben na anerawe tá no̱k nong tu ku no̱k kukak, kuya ku ta nye rino̱k anerawe baꞌ, kaye̱e̱r inom itaar.’ ”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

Itomong Ámanzo 7:48

“Gip be anong, sang Adakunom a ta nye ayiik'e, sor kaye̱e̱r nasa naya ánerawe ne tá no̱k baꞌ, kyo̱ndi aner kuzarap tá fe̱ ye,

2 aYohana 1:7

Áfe kuwo̱ro̱k ánerawe whe̱re̱ ye sang aYeso Kiristi be̱ nuro̱m baꞌ, án no̱ kaye̱e̱r kazatse. Ke aner akak fe̱ anong i nye ye a be abo̱o̱s ne i nye ye a nye amudo̱n aYeso Kiristi.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

aYohana 4:25

Ne abining'e fe̱ be aYeso ye, “Mi ren ye áfe Adakunom ta kasa, a tu ku yis ye aKiristi saase. Izen iya ne a be̱ a tin taas yir koakye ike̱ng.”

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

Ibrani 7:1

aMakizadek na ne a nye agwo̱m aSalim, a nye atsi Adakunom Agbang Agwo̱m Ágwo̱m. A nyim be Ibrahim nizen a tá ne ni iya ágwo̱m ákak nitso̱m, yong a tú te kuce̱.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aKolosi 2:11

Kaye̱e̱r wu ne a tá nye yin izhak kaye̱e̱r kabik gip, nong ta tun yin kuse kuri kufe rine̱n. Sang izhak kuri iya anerawe ne a ta nye baꞌ, amma kuri iya aKiristi ne a ta nye.

aMatiyu 11:3

nong á tá su ku rip ye, wu ne a nye aya a tá fe̱ ye, a ta be̱ ame ka ba ra tor akak ze̱e̱r e̱?

aMatiyu 2:6

“ ‘Yin áner aBetalami ni iben aYahuda, yin nye yin ayiik'e kaye̱e̱r ágwo̱m aYahuda. kamok kaye̱e̱r yin ne a ta se̱ agwo̱m aya a tana fek áner'i Isarela.’ ”

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

Ibrani 12:27

Rife̱ a ta fe̱ ye, “kutak kuzining'ong” tonong ye, a ta turung ike̱re̱ iya a ta zuur'me; i ta nye ike̱re̱ iya Adakunom tá nye, kamok ike̱re̱'me ikak iya sang a tá kyem á zuur baꞌ, kuse.

Ibrani 13:14

Yir be yir kuwo̱p kufe ku tana sor ma izen izen aze nazatse na baꞌ, amma yir min te yir riye̱ nuwo̱p kuya ku tana be̱.