Ibrani 8:3 - Izere New Testament

³ A sak koangan agbang atsi ni itomong nong a ta shosh asidaka ike̱re̱ be ife ikewum. Iyong ne i sak i ta se gye̱r ayu gip a ta tse̱r ike̱ng ikak a ta no̱o̱k.

Ibrani 8:3 Referans Kwoze

Ibrani 5:1

Koakye agbang atsi Adakunom ne a tu kasa kaye̱e̱r ánerawe áfudang nong a tà fe̱ kanu rice ba natoon ike̱re̱ Adakunom ne a nye asidaka kamok rine̱n.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Ibrani 7:27

A se kyo̱ndi ribir ágbang atsi baꞌ, a nye asidaka koakye katuk kamok rine̱n wu ni ime̱se̱ng'e nizham a ta ra nye kamok ánerawe baꞌ. Amma a nye asidaka kamok rine̱n ánerawe cice̱r kutak kuzining nizen iya a tá no̱o̱k rice wu.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aRom 4:25

Kamok rine̱n yir ne a sok aYeso a no̱o̱k nong a tá ku, a tu ku dorok be kutser nong a tin sak yir ta te yir gye̱r nasho̱o̱n wu.

aRom 5:6

Kamok nizen'e dim, kum ne yir ta kyem i naka tobok yir baꞌ, aKiristi ku kamok yir, yir afe i ta rayir Adakunom.

aRom 5:8

Amma Adakunom tin tonong yir kushim wu dide̱ng anong, kum ne yir ru nye yir áfe rine̱n, aKiristi ku kamok yir.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

Ibrani 8:4

A fa fe̱ ye a rusek nazatse, ke a sor atsi baꞌ, kamok áner ákak kuse á ta nye asidaka kyo̱ndi itsi aMusa tá fe̱.