Ibrani 8:2 - Izere New Testament

² A nye itomong wu naro̱ itomong atsi kazhe̱l'e kufe katsak, kuya Adakunom tá nye sang anerawe baꞌ.

Ibrani 8:2 Referans Kwoze

2 aKoranti 5:1

Kyo̱o̱rna, yir ren yir ye ke a yirik abur yir afe yir tin sor yir, iro̱m yir, Adakunom be rice wu tin no̱k yir kasa kaye̱e̱r kaza. Kasa'ong sang anerawe ne a no̱k baꞌ, ka ta sor ma izen izen.

aRom 15:8

Kamok mi sen ka tak yin ye ike̱ng i ta sak aKiristi tá aner aya a tá nye áner aYahuda itomong, se nong a tá tonong katsak rife̱ Adakunom, nong ase̱ ike̱ng iya Adakunom tá fe̱ ye a tá nye gbugbang be átukop yir, ta shining

Ibrani 11:10

Kamok wu tsang a ni te riye̱ nuwo̱p kuya Adakunom tá barak ribor'e a tá bun a no̱k be rice wu.

Ibrani 10:21

Kum yir ta be yir agbang atsi nasa Adakunom,

aKolosi 2:11

Kaye̱e̱r wu ne a tá nye yin izhak kaye̱e̱r kabik gip, nong ta tun yin kuse kuri kufe rine̱n. Sang izhak kuri iya anerawe ne a ta nye baꞌ, amma kuri iya aKiristi ne a ta nye.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

Ibrani 9:1

Kushu kufe ime̱se̱ng'e tonong iren a tana ya Adakunom iben, be karo̱ ku kuya iben anerawe ta nye.

Ibrani 10:11

Koakye katuk atsi nye itomong wu, a nye asidaka ne a toos'e koakye kunom. Gip be anong iyong kyem i kusu rine̱n baꞌ.

Ike̱ng a ta tonong aYohana 21:3

Ne mi fok kuto̱ kukak tá wuruk be agap naro̱ itsik rigwo̱m ame ye, “Di yin, Karo̱ kusor Adakunom n tiik kaben mak be ánerawe, ka tà sor mak be ba. Ba tà te ánerawe wu ne Adakunom be rice wu se mak be ba ne a bun a sor Adakunom ba.