Ibrani 8:10 - Izere New Testament

¹⁰ Kushu kuya mi tana nye be kasa áner Isarela na: Agwo̱m Ágwo̱m fe̱ ye nama izen iyong, mi tà ka te ba Itsi kaye̱e̱r aye̱ ba ne i bun i zibir naye̱ ba. Mi tà te Adakunom ba ne ba te ánerawe mi.

Ibrani 8:10 Referans Kwoze

2 aKoranti 3:3

Yin tonong yin ye yin nye yin kufumung a tá zibir ku ta ne nufe aKiristi, a ta se̱ kamok itomong yir, kuya sang a tá zibir be ike̱ng izibir baꞌ. A zibir be Kabik Adakunom afe kutser, sang natoon ape̱f kuta ne a zibir baꞌ, amma kaye̱e̱r aye̱ ánerawe.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

aRom 11:27

Iyong ne i nye kushu mi be ba nizen mi tana sok rine̱n ba.”

aYakub 1:21

Kamok anong, kam yin be ike̱re̱ kurisik ne iriri anyas nong ta mees yin rice ta shan yin rife̱ a tan tuus naye̱ yin, riya ri tana ka shesh yin.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aBitrus 1:23

Kamok a bun a ma ka tes yin sang be ike̱ng iya i tana beseng ba, amma a ta ka tes yin be rife̱ Adakunom, rife kutser rife izen izen.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

aMatiyu 22:32

‘Mi ne i nye Adakunom Ibrahim be Ishaku ne aYakub’ aꞌa? A nye Adakunom atser sang áfe ikom baꞌ.”

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

1 aKoranti 6:16

Yin ren yin ye aner aya a ta men be inyak agwo̱m n te azining be wu nuro̱m aꞌa? Kamok rife̱ Adakunom fe̱ ye, “Aner afa'me ta te kuro̱m kuzining.”