Adakunom ne a nye koakye, kamok wu ne koakye kuse. Kamok anong ke i nye ye Adakunom be̱e̱n inoon wu whe̱re̱ kuyiik, i ta se gye̱r a ta tiyiik ako̱k kasho̱o̱n kashesh ba. A nye anong be risam aYeso tá so̱.
Ayong aYeso fe̱ be ba ye, “Tseng yin, ta se tak yin azen azen'ong ye mi tà turung ítseng ne i sak ánerawe ta te atser katuur be natson, kaniya mi tà gang ike̱ng mi tan sak nasho̱o̱n'i.
Anong ne, aKiristi gip, a se̱ kuyiik kusor agbang atsi be rice wu baꞌ. Amma Adakunom ne a fe̱ be wu ye, “Wan ne i nye Igon mi, katuur mi n te Ada wan.”
Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.
Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.
Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.