Ibrani 7:27 - Izere New Testament

²⁷ A se kyo̱ndi ribir ágbang atsi baꞌ, a nye asidaka koakye katuk kamok rine̱n wu ni ime̱se̱ng'e nizham a ta ra nye kamok ánerawe baꞌ. Amma a nye asidaka kamok rine̱n ánerawe cice̱r kutak kuzining nizen iya a tá no̱o̱k rice wu.

Ibrani 7:27 Referans Kwoze

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

Ibrani 9:12

A no̱ be naso̱k izha ka amung baꞌ. A no̱ naro̱ ka ta nar Kuse Zhe̱l be naso̱k wu kutak kuzining tsek nama a tin se̱ yir kashesh kafe izen izen.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

Ibrani 5:3

Iyong ne isak wu nye asidaka kamok rine̱n wu be rife ánerawe.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aRom 6:10

Riku'ong a ta ku kamok rine̱n, a ku kutak kuzining tsek. Amma kusor wu a tá sor, a sor kamok kuyiik Adakunom.

Ibrani 9:25

Sang a no̱ kaye̱e̱r kaza a tá no̱o̱k rice wu ne a toos'e kyo̱ndi agbang atsi ta no̱o̱s Naro̱ ka ta Nar Kuse Zhe̱l koakye riye̱ be naso̱k naya sang na ta nye nafu baꞌ.

Ibrani 9:7

Agbang atsi tsek ne a no̱ nutu kufe kaye̱e̱r'e, kutak kuzining koakye riye̱. Izen iya a ta no̱ ma a no̱ be naso̱k a tana no̱o̱k kamok rine̱n wu be riya ánerawe tá nye kaye̱e̱r kudun kuren.

Ibrani 5:1

Koakye agbang atsi Adakunom ne a tu kasa kaye̱e̱r ánerawe áfudang nong a tà fe̱ kanu rice ba natoon ike̱re̱ Adakunom ne a nye asidaka kamok rine̱n.

Afisa 2:22

Natoon wu ne a ta sak yin mak gip nong ta te yin karo̱ kusor Adakunom kamok kukyem be Kabik wu.

Ibrani 8:4

A fa fe̱ ye a rusek nazatse, ke a sor atsi baꞌ, kamok áner ákak kuse á ta nye asidaka kyo̱ndi itsi aMusa tá fe̱.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.