Ibrani 7:26 - Izere New Testament

²⁶ Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

Ibrani 7:26 Referans Kwoze

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

Ibrani 8:1

Rice rife̱ yir tin fe̱ yir se ye, yir be yir agbang atsi akak kyo̱ndi ayong afe a tá sonong nubo̱k riya itsik rigwo̱m Adakunom ayiik'e kaye̱e̱r kaza.

1 aBitrus 2:22

“Wu kun nye rine̱n ike̱ng ikak baꞌ. A kun fok abo̱o̱s nanu wu baꞌ.”

1 aYohana 3:5

Amma yin ren yin ye ike̱ng i tá sak aYeso tá be̱ nye, nong a ta sok rine̱n yir. A nye rine̱n baꞌ.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aLuka 23:47

Izen iya aritek ásozha'me akak tá fa di anong yong a kerek Adakunom, ne a fe̱ ye, “Katsak'e aner na nye azhe̱l'e.”

aLuka 23:41

Risam a tin no̱o̱k yir se gye̱r, kamok kunye yir nye kumaan'e, aner na nye rine̱n ike̱ng ikak baꞌ.”

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

1 aBitrus 1:19

Amma a tá ka she̱sh yin be naso̱k aKiristi na ta se yiik, aya ta se kyo̱ndi aturuk asidaka, a se zhe̱l dar rine̱n ka rizik ka inya ayi.

Ibrani 7:11

Ke itomong ritsi kuri ife aLawi ta kyem i sak aner ta te zhe̱l (Kamok atsi ne a nye itsi) to̱, akye̱ sak a bun a shim ke a se̱ atsi akak a ta se kyo̱ndi aMakizadek sang aHaruna baꞌ e̱?

Ibrani 2:10

Adakunom ne a nye koakye, kamok wu ne koakye kuse. Kamok anong ke i nye ye Adakunom be̱e̱n inoon wu whe̱re̱ kuyiik, i ta se gye̱r a ta tiyiik ako̱k kasho̱o̱n kashesh ba. A nye anong be risam aYeso tá so̱.

Itomong Ámanzo 4:27

“I se anong, aHiridus be aBuntus Bilatus ne áner aya sang a ta nye aner aYahuda baꞌ nyim rice be áner Isarela, kaye̱e̱r agbang kuwo̱p na, á tá ko̱n be ásam wan ázhe̱l'e aYeso aya wan tú ku kasa a ta te aner kashesh.

Itomong Ámanzo 3:14

Amma yin rayin Azhe̱l'e na, Aya a se gye̱r nasho̱o̱n Adakunom nong yin ta nye yin aBilatus akusuk ye a ra ka tun yin aBarabas aya a tá fe̱s ánerawe ingya.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 8:29

Aya a tin tom se be mi; a ti won mi ka ma mi baꞌ, kamok mi nye koakye riye̱ wu tá shim.”

aLuka 24:46

Ne a bun a fe̱ be ba ye, “Ike̱ng i ta se ni izibir na ye. aKiristi'me tà so̱ risam, a tà ku, ne a dorok nure̱k katuk afe ataar.

aLuka 24:26

Aser, sang ma aKiristi so̱ risam ike̱re̱ na cice̱r, a ta ra se̱ kuyiik wu aꞌa?”

aLuka 23:22

Ayong aBilatus bun a fe̱ be ba kutak kufe ataar gbak ye, “Kamok akye̱ e̱? A nye rine̱n akye̱ e̱? Sang mi tú se̱ be rine̱n ri ta kyem a tú ku fe̱r baꞌ. Kamok anong mi tà sak a tu ku whereng nong a tu ku won.”

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

aMatiyu 27:18

Kamok wu ren tseng tseng ye kamok rishishim ne á be̱ be aYeso nufu.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.