Ibrani 7:19 - Izere New Testament

¹⁹ Itsi aMusa kyem i ta sak ike̱ng ikak ta te zhe̱l baꞌ, iyong ne i sak yir nye yir kanye̱k ike̱ng itek iya yir tin te yir riye̱ natoon'e nong ta se yir bubarak be Adakunom.

Ibrani 7:19 Referans Kwoze

Itomong Ámanzo 13:39

Mi shim ke yin ren yin ye kamok wu ne koangan azining afe a tin no̱o̱k katsak ni wu ta se̱ kashesh kaya Itsi aMusa ta kyem i no̱o̱k baꞌ.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

Ibrani 9:9

Iyu ti tonong yir ike̱ng ikak kyo̱o̱rna. Iyong ti tonong yir ye asidaka a ta nye ye̱r ye̱r tà sak aye̱ anerawe ta te zhe̱l nasho̱o̱n Adakunom baꞌ.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

Ibrani 11:40

Adakunom tsang a nye kanye̱k ike̱ng ikak kamok yir nong ase̱ mak be yir ne ba tà shining.

Ibrani 10:1

Itsi nye nawu ike̱re̱ itek i tana be̱ tsek sang atuk kunik ike̱re̱'me baꞌ. Iyong ne isak asidaka aya a tá yiir nye'me koakye izen, aye̱ be aye̱ tá sak áya a ta be̱s kuya Adakunom iben ta te zhe̱l baꞌ.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

aRom 5:2

Natoon wu ne yir ti se̱ yir iren kuno̱ kaye̱e̱r ritek na yir tin sor yir kaye̱e̱r'e kamok kuno̱o̱k katsak yir. Aye̱ yir kare̱p i ta min te yir riye̱ natoon kuyiik Adakunom.

Ibrani 8:6

Itomong aYeso tá nye se yiik ne i nar ifuba cei, kyo̱ndi kushu kufas wu tin no̱ natite ánerawe be Adakunom ta nar kuse yiik. Ike̱re̱ Adakunom tá fe̱ ye a ta nye nar kunye itek gip.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aGalati 2:16

Yir ren yir ye sang ánerawe te aner azhe̱l'e nasho̱o̱n Adakunom ke a kuus Itsi aMusa baꞌ, amma kamok ku nino̱o̱k katsak wu na aYeso Kiristi. Yir gip yir min no̱o̱k yir katsak na aYeso Kiristi'me nong ta te yir ázhe̱l'e nasho̱o̱n Adakunom. Yir te yir zhe̱l kamok ku ni no̱o̱k katsak yir na Kiristi, sang kamok ku kuus Itsi baꞌ. Kamok kukuus Itsi ne ku ta sak aner akak ta te azhe̱l'e nasho̱o̱n Adakunom baꞌ.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

Ibrani 7:11

Ke itomong ritsi kuri ife aLawi ta kyem i sak aner ta te zhe̱l (Kamok atsi ne a nye itsi) to̱, akye̱ sak a bun a shim ke a se̱ atsi akak a ta se kyo̱ndi aMakizadek sang aHaruna baꞌ e̱?

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

Afisa 3:12

Kamok i ta se yir mak be wu ne kuno̱o̱k katsak yir natoon wu, yir ta kyem i tseng yir nasho̱o̱n Adakunom ne̱k be riye̱ rizining.

aGalati 3:24

Kamok anong Itsi ne a tu ku sak nong i tin bereng yir ma izen aKiristi tana be̱ nong ase̱ a tin sak yir ta te yir azhe̱l'e nasho̱o̱n Adakunom kamok kuno̱o̱k katsak yir.

aYohana 1:17

Kamok Itsi be̱ nubo̱k aMusa, amma ritek be katsak be̱ nubo̱k aYeso aKiristi.

aRom 7:7

To̱, iyong yir ta fe̱ yir ane̱ makong e̱? Itsi nye rine̱n a? Ko cie̱k, katsak'e, a fa fe̱ ye Itsi baꞌ, sang ke mi ren ike̱ng iya i ta nye rine̱n baꞌ. Ye kamok Itsi ta fe̱ ye, “Sang tu shishim ike̱ng akak baꞌ,” ke mi ren ike̱ng iya a tá yis ye rishishim baꞌ.

aGalati 3:21

To̱, yong Itsi'me ta yirik kuto̱ Adakunom tá tsang a no̱o̱k a? Ko cie̱k, i se anong baꞌ, kamok ke i nye ye ánerawe shan Itsi aMusa nong a tin se̱ kutser to̱, i nye ye koangan ta kyem a te zhe̱l nasho̱o̱n Adakunom be kukuus Itsi.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

Ibrani 7:20

Adakunom nye anong be kushu wu. Ribir átsi no̱ kaye̱e̱r itomong ba dar kushu.

Ibrani 11:6

Akak ta kyem a kare̱p Adakunom riye̱ dar kuno̱o̱k katsak baꞌ, kamok koangan ne a be̱ nufu ma a ti no̱o̱k katsak ye wu kuse, ye a nyesek aya a tu ku tse̱r be katsak ishorong ba.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.