Ibrani 6:9 - Izere New Testament

⁹ Ároneng, yir fe̱ yir anong gye̱rtatan, amma yir no̱o̱k yir katsak ye yin ta se yin anong baꞌ, yin ta se̱ yin ritek ike̱re̱ iya i ta nye ife kuse̱ kashesh.

Ibrani 6:9 Referans Kwoze

Ibrani 10:39

Yir nye yir kuri áya a tana kubun kama ne á wei baꞌ, amma yir min no̱o̱k yir katsak, a min shesh yir.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

2 aKoranti 7:10

Riye̱ riwe kuri riya Adakunom ne a ta be̱e̱n'e, sak anerawe shishing kuse wu, ri sak anerawe ta se̱ kashesh a ta fe̱ ye wu fa ren baꞌ, amma riye̱ riwe kuri rife̱ kazatse be̱ be riku.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

1 aKoranti 10:14

Kamok anong ároneng aya mi ta shim, sor yin gugo̱k be ike̱re̱ itsi.

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

Itomong Ámanzo 11:18

Ba tá fa fok anong ne á tigbik, á kyem á fe̱ ike̱ng ikak baꞌ. Á kerek Adakunom ne á fe̱ ye, “Aser, Adakunom n no̱o̱k áner aya sang a ta nye aner aYahuda baꞌ, iren gip nong a ta shishing kuse ba a ta se̱ kutser.”

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

2 aKoranti 12:19

Sang tu to̱ yin kyo̱ndi nizen iyong cei, yir fe̱ yir nong tin te̱ne̱ng yir rice yir nasho̱o̱n yin baꞌ. Adakunom ren, yir fe̱ yir katsak kyo̱ndi áya a ta se kaye̱e̱r aKiristi. Ároneng áfe riye̱ mi, koakye ike̱ng yir ta nye yir, i nye yir nong yin tin se̱ yin agap.

1 aBitrus 2:11

Áfo̱ yin, áya mi ta shim, mi ta nye yin akusuk, kum yin ta nye yin átsen kaye̱e̱r kazatse na, yin be yin kasa aze baꞌ, ye i ra kam yin be kudi ike̱ng kuri kufe rinerawe. Kuse kuri kuyong ko̱n itsom be kabik yin.

2 aBitrus 3:1

Ároneng, kufumung'i kufe afa na'me. Mi zibir afumung afa'me cice̱r nong ta ka yiring yin'e nong tin nye yin kuto̱ro̱ng gye̱r.

1 aYohana 2:7

Aro̱, ike̱ng mi ta sen ka zibir yin'e na nye itsi ifas baꞌ i nye iya Adakunom tá tsang a fe̱ be yin, iya yin tá fok yin kum ni ime̱se̱ng'e. Itsi na nye rife̱ Adakunom riya yin tá kun fok yin.

aZhud 1:3

Ároneng, yin áya mi ta shim, mi tsang i shim ku ka zibir yin kufumung na natoon kashesh yir ta be yir na cice̱r gye̱rtatan, amma mi di i se gye̱r ta ka zibir yin'e nong ta ka nye yin akusuk ye i ra naka tsesek yin natoon kuno̱o̱k katsak yir kuya Adakunom tá won ázhe̱l'e amana'me nubo̱k.