Ibrani 6:6 - Izere New Testament

⁶ Gip be anong á tú ku bun kama kaye̱e̱r kuno̱o̱k katsak ba. Á ta ba kyem á be̱ ba nong á ta shishing kuse ba baꞌ, kamok ba tá bun á tigak Igon Adakunom ne á ku te isum kaye̱e̱r ánerawe.

Ibrani 6:6 Referans Kwoze

2 aBitrus 2:21

I nar ke ba fa tsang á ren iren katsak'e baꞌ ingya, be á tana ren ne á ra bun a won Itsi Adakunom izhe̱l'e a tá tsang a ka no̱o̱k ba.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

Ibrani 6:4

Áya á ta tsang á ren akanang'e, á tan fok kunang Adakunom, áya a ta gung rice be Kabik Kazhe̱l'e,

1 aYohana 5:16

Ke akak di aronyining wu sen nye rine̱n riya ri tana tseng be wu riku baꞌ, ne wu ku nye aduwa ne Adakunom shesh aner'e. Mi fe̱ natoon aya afe a ta nye rine̱n riya ri tana won dar ka sak ba a ta kus. Amma rine̱n rikak kuse ri ta sak anerawe ta ku nabik. Sang mi fe̱ ye ma a ra nye aduwa kamok aner kuri ayong baꞌ.

2 aTimoti 2:25

A ra bo̱so̱p áya a ta gaar kubo̱so̱p wu'me whiwhe̱ kamok kashim Adakunom ta ka no̱o̱k ba iren kushishing kuse ba nong á ta ren katsak,

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

aMatiyu 19:26

Amma aYeso tú ku ye̱re̱k ba a tá fe̱ ye, “Be anerawe, i ta kyem i se anong baꞌ, amma be Adakunom, koakye kyem i nye.”

aLuka 11:48

Yin tonong yin ye, yin kuus yin kama ike̱re̱ áda yin tá nye. Ba ne á fe̱s áner kuzarap'e ne yin no̱k yin are̱k'e.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

Ibrani 10:26

Asidaka akak ba bun a kuse kamok rine̱n yir ke yir ya kasho̱o̱n be kunye rine̱n nama a tá min tonong yir katsak'e baꞌ.