Ibrani 6:19 - Izere New Testament

¹⁹ Kute riye̱ yir ta be yir na ne ku sak yir ta nyesek yir ana dar inyim ka be agak riye̱ baꞌ, ri no̱ tsik ma nama alaple kaye̱e̱r kaza, karo̱ Adakunom tu ku sor.

Ibrani 6:19 Referans Kwoze

Ibrani 9:7

Agbang atsi tsek ne a no̱ nutu kufe kaye̱e̱r'e, kutak kuzining koakye riye̱. Izen iya a ta no̱ ma a no̱ be naso̱k a tana no̱o̱k kamok rine̱n wu be riya ánerawe tá nye kaye̱e̱r kudun kuren.

Ibrani 9:3

Nama alaple afe afa'me, kutu kukak tuse a tá yis ye Karo̱ Ka tá nar Kuse Zhe̱l.

aMatiyu 27:51

Nizen iyong alaple aya a ta se kaye̱e̱r agbang kutu kuya Adakunom iben wor a sarak natite kpak ma kaben. Kaben zuur ne ata tasak.

aKolosi 3:1

Kum a tá ma ka dorok yin mak be aKiristi, to̱, ni te yin riye̱ natoon ike̱re̱ iya i ta se kaye̱e̱r kaza, naro̱ aKiristi ta mu ku sonong nabas kubo̱k riya Adakunom.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

Itomong Ámanzo 27:29

Inyim tú ro̱ ba ye kashim kukpara'me ta se carak agbang kuta. Iyong á barak atso̱m anaas kaye̱e̱r ashi nabas kama kukpara'me nong atso̱m'e tá yiir kukpara ashi'me karo̱ kazining. Á whe̱e̱n anyisi nong á tá nye izong ye ke kadiding ra rak zizirik.

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

Itomong Ámanzo 27:40

Iyong á te̱se̱ng itun iya a tin rosom kukpara ashi'me naro̱ kazining nong a tá won kaye̱e̱r ashi. Nizen iyong ne á bis idun a tin rosom ike̱ng kuko̱k kukpara ashi'me. Iyong a ko̱ro̱k ike̱ng iya kuwun tin gaas kukpara ashi'me kasho̱o̱n a ta ma tseng nukim kudung'e.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

Afisa 2:6

Adakunom ti dorok yir be kutser mak be aKiristi, kamok aYeso aKiristi'me ne yir ti se̱ yir karo̱ kusor kaye̱e̱r kaza.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

Itomong Ámanzo 23:6

aBulus tá fa di ákak ba nye áner aSadusi ne ákak nye áner aFarisi, yong a ta kuto̱ a tá fe̱ be kusonong ako̱k kasho̱o̱n'e ye, “Ároneng, mi nye aner aFarisi, kutes aner aFarisi. A sen ni to̱ amok kamok mi min te riye̱ ni dorok ikom.”

aRom 4:18

Kute riye̱ Ibrahim te kyo̱ndi kukpe̱de̱ng'e, gip be anong a ya kasho̱o̱n be kute riye̱ ne a ni no̱o̱k katsak. Kamok anong a te ada ánerawe whe̱re̱. Iyu se kyo̱ndi a tá tsang a ku tak ye, “Kuri wan tá te whe̱re̱.”

aRom 5:4

Kutsesek be̱e̱n be kuse kutek ne kuse kutek be̱e̱n be kute riye̱.

1 aKoranti 13:13

To̱, Kyo̱o̱rna, ike̱re̱ itaar na nyeseng, kuno̱o̱k katsak be kute riye̱ ne kushim. Amma, igbang'e kaye̱e̱r ba cice̱r nye kushim.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.