Ibrani 6:18 - Izere New Testament

¹⁸ Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

Ibrani 6:18 Referans Kwoze

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

2 aTimoti 2:13

Ke yir be yir katsak baꞌ, wu tà sor afe katsak kamok wu tà kyem a ton rice wu baꞌ.”

aRom 3:4

Ko cie̱k, i se anong baꞌ. Adakunom ne a nye afe katsak dim; ánerawe be abo̱o̱s. Kyo̱ndi i ta se kaye̱e̱r izibir ye, “Nong ase̱ a ta ren ye, wan be katsak ke wan fe̱ kanu Ne wan tonong kanang ye wan nye aner katsak nizen iya a ta sen ka to̱ amok.”

1 aYohana 1:10

Ke yir fe̱ yir ye yir n nye yir rine̱n baꞌ, i nye ye yir sok yir ye Adakunom be abo̱o̱s ne rife̱ wu kuse kaye̱e̱r aye̱ yir baꞌ.

Ibrani 3:11

Kaye̱e̱r riye̱ kubeseng, mi nye kushu ye, ‘Sang ba tà se̱ iren á tana no̱ naro̱ kufan'i baꞌ ko cie̱k.’ ”

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

aRom 3:25

Adakunom no̱o̱k aYeso nong a tá sor asidaka kure̱ng rine̱n yir. A re̱ng ánerawe rine̱n ba kamok kuno̱o̱k katsak ba natoon kunyosong naso̱k wu. Adakunom nye anong, nong a tá tonong katsak be kuse kutek wu, kamok gbugbang, Adakunom kaye̱e̱r kuwhiwhe̱ wu a ye̱re̱k rine̱n anerawe wha.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

1 aTimoti 6:12

Ko̱n kuren kutek kaye̱e̱r kuno̱o̱k katsak. Yiir kutser kufe izen izen kuya a ta ka yis mo nizen iya wan ta fe̱ nasho̱o̱n ánerawe whe̱r ye wan shan aKiristi.

aRom 15:5

Won Adakunom aya a ta nyesek kutsesek ta ka tsesek yin ne a ka no̱o̱k yin kuto̱ro̱ng kuri kuzining kyo̱ndi aYeso aKiristi.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

1 aTasalonika 1:10

ne i tor yin izen kube̱ Igon wu a tana ne naza. Adakunom tú ku dorok be kutser, wu ne a nye aYeso aya a tanin shesh yir kaye̱e̱r riye̱ kubeseng ri tà saase.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

aLuka 2:25

To̱, aner akak tuse na aUshalima a tú ku yis ye aSiman, afe a tá se gye̱r nasho̱o̱n Adakunom, ne a nye Adakunom itomong. A se be kutor afe a tana be̱ a tsesek Isarela. Kabik Kazhe̱l'e se mak be wu.

aMatiyu 24:35

Kaza be kaben ta gor, amma ko rife̱ mi sen gor ze̱r baꞌ.

Ibrani 7:21

Amma aYeso te atsi be kushu nizen Adakunom tá fe̱ be wu ye, “Agwo̱m Ágwo̱m n shu, a ta bun a shishing riye̱ wu baꞌ. ‘Wan nye atsi ma izen izen.’ ”

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

aFilipi 2:1

Kum yin ta se̱ yin kutsesek ye yin n te yin azining be aKiristi, kum yin ta se̱ yin kameneng riye̱ kaye̱e̱r kushim wu, kum yin ta se̱ yin kugung rice be Kabik Adakunom, be kuro̱ riye̱ ne kushim yin,

aMatiyu 3:7

Nizen wu tá di áner aFarisi be áner aSadusi whe̱re̱ tá be̱s naro̱ wu tá se be kunye abatisma'me, a fe̱ be ba ye, “Yin naban áfomong, angan tá tak yin ye, i ru ku teng yin amok Adakunom a tà saase e̱?

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

Ibrani 6:17

Adakunom shim a ta tonong aner aya a tana di ike̱ng iya wu tá fe̱ ye wu shishing baꞌ, yong a shu.

Ibrani 7:19

Itsi aMusa kyem i ta sak ike̱ng ikak ta te zhe̱l baꞌ, iyong ne i sak yir nye yir kanye̱k ike̱ng itek iya yir tin te yir riye̱ natoon'e nong ta se yir bubarak be Adakunom.