Ibrani 6:12 - Izere New Testament

¹² Yir shim yin tu yo̱mo̱ng yin baꞌ, amma sor yin kyo̱ndi áya a tin no̱o̱k katsak ne á naka tsesek ma á ya kutse ike̱ng iya Adakunom ta tsang a fe̱.

Ibrani 6:12 Referans Kwoze

Ibrani 13:7

Yiring yin be áko̱k kasho̱o̱n yin áya a ta ka tak yin rife̱ Adakunom. Ye̱re̱k yin kuri kusor kuya ba ta sor nong ta kuus yin kuno̱o̱k katsak ba.

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

aRom 12:11

Sang tu se yin dar ifeng baꞌ, be yin ifeng kaye̱e̱r aye̱ yin ne i nye yin Adakunom itomong.

Ibrani 5:11

Yir be yir ike̱re̱ whe̱re̱ tana fe̱ yir natoon iyong, amma i ro̱ ta ka tonong yin kamok yin ren yin ike̱ng zizirik baꞌ.

2 aBitrus 1:10

Kamok anong ároneng, nye yin koakye ife yin tana kyem i nye yin nong ta tonong yin ye Adakunom ma ka yis yin ne a ka kasa yin. Ke yin nye yin anong yin ta kpa yin baꞌ, ko cie̱k.

aYakub 1:3

Kamok yin ren yin ye, kubo̱mo̱ng kuno̱o̱k katsak yin ta sak yin tin barang yin Ku naka tsesek.

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

aRom 4:12

Anong ne Ibrahim te ako̱k kasho̱o̱n áya a tú ku nye ba izhak gip, sang kamok á tú ku nye ba izhak tsek baꞌ, amma á kuus kuri kuno̱o̱k katsak ada yir Ibrahim tá be kum ne a mu ku nye izhak baꞌ.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.

Ibrani 11:33

Kuno̱o̱k katsak sak a tá ko̱n ne a ya ánerawe iben ze̱r ze̱r nitso̱m. A to̱ ánerawe amok gye̱r, ne á shan ike̱ng iya Adakunom tá fe̱ ye a ta no̱o̱k. Á whe̱e̱n nanu ázaki,

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.

2 aTasalonika 1:4

Kamok anong, yir be rice yir i ti ya yir kuka be yin nasho̱o̱n áfikuus Adakunom kamok kutsesek yin ne kuno̱o̱k katsak yin kaye̱e̱r amaan kutabak ne iriri kubo̱so̱p yin tin tsesek yin kaye̱e̱r'e.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aMatiyu 22:32

‘Mi ne i nye Adakunom Ibrahim be Ishaku ne aYakub’ aꞌa? A nye Adakunom atser sang áfe ikom baꞌ.”

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aLuka 16:22

“Katuk kakak aLazarus'e ku, yong ámaleka tú sok nong á tá tseng be wu nufe Ibrahim naro̱ kayiik'e. Arum ame ma ku gip, yong a tú ne̱r.

aMatiyu 25:26

“Ayong atekasa wu'me fe̱ be wu ye, ‘Wan amaan aner, acing akak, aser, wan ren ye mi nye ishamang naro̱ mi ta tuus baꞌ, ne i tusung naro̱ afe mi tu ku nas baꞌ a?