Ibrani 6:10 - Izere New Testament

¹⁰ Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

Ibrani 6:10 Referans Kwoze

aMatiyu 10:42

Koangan ne a no̱o̱k azining kaye̱e̱r ayu a ta ru raar na ashi kuso̱ acaang kamok wu ta nye alimazhiri mi, won ta ka tak yin katsak'e, a tin wei nishorong wu baꞌ.”

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

aGalati 6:10

To̱, kamok anong, ke i se̱ yir izen, i tonong yir koangan kuse kutek, abaan áfikuus baꞌ.

Itomong Ámanzo 10:4

Iyong aKoneliyus'e tisak anyisi ni wu be inyim a tá fe̱ ye, “Akye̱ de̱ Agwo̱m Ágwo̱m e̱?” Ayong amaleka'me shim ye “Adakunom n yiring be wan, aduwa aya wan tá nye be kutobok kuya wan ta tobok áfe rizor n ngarak nufe Adakunom.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

aMarkus 9:41

Katsak'e ne mi ta ka tak yin, aner aya ne a ta no̱o̱k yin ashi kuso̱ na ako̱p kaye̱e̱r riyerek'i ye, kamok yin nye yin anaan, a ta dun ishorong wu baꞌ.”

aRom 12:13

Kasap yin ike̱ng yin ta be yin be áner Adakunom áya a ta se kaye̱e̱r kutser. Shim yin kushashang átsen.

Itomong Ámanzo 11:29

Ayong álimazhiri ame cice̱r ti sak ye ba tá tobok áfudang ba aya a tá se na aYahudiya. Koangan tà no̱o̱k tite̱re̱ be agap wu.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

Itomong Ámanzo 10:31

A tá fe̱ ye, ‘aKoneliyus, Adakunom n fok aduwa wan ne a yiring be kutobok kuya wan tá tobok áfe rizor.

aYohana 13:20

Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

2 aKoranti 9:1

Sang ma mi bun i ta zibir yin'e natoon kutobok na yin ta nye yin azhe̱l'e baꞌ.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

Ibrani 10:32

Yiring yin kaye̱e̱r inom kama nama, yin ta se̱ yin akanang Adakunom, yin tsesek yin dide̱ng, gip be risam i tá so̱ yin.

aMatiyu 20:7

“Á fe̱ ye, ‘Kamok sang akak ti no̱o̱k yir itomong baꞌ.’ “Ayong a fe̱ be ba ye, ‘Yin gip, tseng yin riko̱ mi.’

aMatiyu 25:17

Anong ne aner aya a tá shan íshika ifa ame, a ti se̱ ifa natoon'e.