Ibrani 6:1 - Izere New Testament

¹ Kamok anong, tu bun i beseng yir izen yir natoon ike̱re̱ izhizhe̱k'e natoon aYeso baꞌ, nong ta ya yir kasho̱o̱n, ta te yir ánerawe. Sang tu bun i kubun yir kama ta nye yir kubo̱so̱p itak kushishing kuse natoon ike̱re̱ i tana be̱e̱n riku be itak ku nino̱o̱k katsak na Adakunom baꞌ,

Ibrani 6:1 Referans Kwoze

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

Ibrani 12:13

“Kuus yin iren itek nong fan kutak kuya sang kuta nye kutser baꞌ” bu te kukun'e.

aMatiyu 21:32

Kamok aYohana be̱ nong a tá ka tonong yin iren katsak, yin ti no̱o̱k yin katsak ni wu baꞌ. Amma áner áfe kushashang itso̱m iben ne ínyak ágwo̱m á ti no̱o̱k katsak. Yin tá di yin ike̱re̱'ong ka yin shishing yin kuse yin nong i tin no̱o̱k yin katsak baꞌ.”

Ibrani 7:11

Ke itomong ritsi kuri ife aLawi ta kyem i sak aner ta te zhe̱l (Kamok atsi ne a nye itsi) to̱, akye̱ sak a bun a shim ke a se̱ atsi akak a ta se kyo̱ndi aMakizadek sang aHaruna baꞌ e̱?

Afisa 4:12

A nye anong, nong a tá nye kanye̱k áner Adakunom tu ku nye itomong ne a no̱k kuro̱m aKiristi.

aYohana 12:44

Ayong aYeso tá kuto̱ naza a tá fe̱ ye, “Koangan ne a ti no̱o̱k katsak ni mi, ni mi ne a ti no̱o̱k katsak tsek baꞌ, amma naya a tin tom.

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

2 aKoranti 7:10

Riye̱ riwe kuri riya Adakunom ne a ta be̱e̱n'e, sak anerawe shishing kuse wu, ri sak anerawe ta se̱ kashesh a ta fe̱ ye wu fa ren baꞌ, amma riye̱ riwe kuri rife̱ kazatse be̱ be riku.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

Itomong Ámanzo 11:18

Ba tá fa fok anong ne á tigbik, á kyem á fe̱ ike̱ng ikak baꞌ. Á kerek Adakunom ne á fe̱ ye, “Aser, Adakunom n no̱o̱k áner aya sang a ta nye aner aYahuda baꞌ, iren gip nong a ta shishing kuse ba a ta se̱ kutser.”

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

aYohana 14:1

“Sang tu daam yin baꞌ. Ni no̱o̱k yin katsak na Adakunom ne i ni no̱o̱k yin katsak ni mi.

aMarkus 6:12

Anong ne á dorok nong á tá se taas anerawe ye á ru shishing kuse ba.

aMarkus 1:1

Iyuna ne i nye ime̱se̱ng Rife̱ Ritek natoon aYeso Kiristi, Igon Adakunom'me.

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

1 aYohana 4:12

Akak kun di Adakunom be anyisi baꞌ amma ke i naka shim yir, i nye ye Adakunom se kaye̱e̱r aye̱ yir ne kushim wu shining kaye̱e̱r aye̱ yir makiyi.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

aYakub 1:4

Ku naka tsesek yin ta tseng ma nigang'e, nong ase̱ yin ta shining yin, ne kyem yin sang ta raar yin nikeng ikak baꞌ.

Ibrani 11:6

Akak ta kyem a kare̱p Adakunom riye̱ dar kuno̱o̱k katsak baꞌ, kamok koangan ne a be̱ nufu ma a ti no̱o̱k katsak ye wu kuse, ye a nyesek aya a tu ku tse̱r be katsak ishorong ba.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

aKolosi 1:28

Iyong ne i sak yir ta taas yir itak aKiristi, yir kpam yir koangan ne ibo̱so̱p yir ánerawe'me be koakye kuri kukyem yir nong ta tseng yir be koangan mumak kaye̱e̱r aKiristi.

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

Afisa 2:1

Gbugbang yin tsang i se yin kyo̱ndi ikom'e, kamok kuraar yin ne rine̱n yin tin sor yin kaye̱e̱r'e,

1 aKoranti 13:10

Izen iya ife i tà shining be̱, iya i tá shining baꞌ me tà wei.

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

aMatiyu 7:25

Nizen iya ne iza tá kpa, isho̱ng shishing ne kuwun be̱ be agap, gip be anong kasa'me kpa baꞌ, kamok a tá no̱k kasa'me natoon agudong.

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

1 aTimoti 6:19

Ke ba nye anong ne a ta tusung ike̱re̱ itek kamok rice ba kaye̱e̱r kaza ne i sor agbang kanye̱k kamok izen i ta saase nong ase̱ yin ta se̱ yin kutser ku ta nye kufe katsak.

aLuka 6:48

A se kyo̱ndi aner aya a ta se be rino̱k. A rum karo̱ tsik nong a tin barak ribor'e natoon agudong. Ashi tá fa ta ne a carak kasa'me, a kyem a zuur baꞌ, kamok ribor'e ta se gye̱r.

aMatiyu 21:29

“Ne igon'e fe̱ ye, ‘Mi tà tseng baꞌ,’ amma nama a shishing riye̱ wu a tá tseng.

1 aKoranti 2:6

Gip be anong, yir fe̱ yir rife̱ riya ri ta nye rife kukyem kuri rife áner á tan kyem ánerawe nabik sang kuri rife ágwo̱m kazatse ka kuri kufe áner izam na áya a tana wei baꞌ.

aKolosi 3:14

Natoon ike̱re̱'ong, nibarang yin kushim iyong ne i gung ike̱re̱'me cice̱r kaye̱e̱r kugung rice kutek.