Ibrani 5:13 - Izere New Testament

¹³ Aner aya nabasang ne na ta nye naya wu ru nye izo̱k igon, an me̱ be kubo̱so̱p natoon kuse azhe̱l nasho̱o̱n Adakunom baꞌ.

Ibrani 5:13 Referans Kwoze

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

2 aTimoti 3:16

Koakye ike̱ng iya a tá zibir kaye̱e̱r kufumung rife̱ Adakunom nye isong Adakunom. Izibir'e se gye̱r kamok kubo̱so̱p, ne kuzhe̱e̱r anerawe ne kunees kuse anerawe be kubo̱so̱p anerawe iren kuse gye̱r nasho̱o̱n Adakunom,

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

1 aKoranti 3:1

Katsak'e ároneng, mi kyem i fe̱ be yin kyo̱ndi áner aya a tan kyem ánerawe nabik baꞌ, mi fe̱ be yin kyo̱ndi áner aya a ta be kuto̱ro̱ng rinerawe, kyo̱ndi inoon nazhizhe̱k'e kaye̱e̱r aKiristi.

2 aKoranti 3:9

Ke Itsi ife i ta be̱e̱n ánerawe riku se̱ kuyiik anong, shita itomong iya i ta be̱e̱n kuse zhe̱l nasho̱o̱n Adakunom baꞌ.

1 aKoranti 13:11

Nizen iya mi tá ru nye igon, mi fe̱ kanu kyo̱ndi igon. Kuye̱re̱k'i be kuto̱ro̱ng'i nye kufe rigon. Nizen iya mi tá kyem ánerawe, mi wobok kuse rigon amaama.

aMarkus 10:15

Katsak ne mi ta ka tak yin, koangan ne a shan rigwo̱m Adakunom kyo̱ndi igon kahiir'e baꞌ, a ta kyem a no̱ kaye̱e̱r rigwo̱m Adakunom baꞌ.”

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

aRom 2:20

ne i bo̱so̱p azizik'e ike̱re̱ ne i bo̱so̱p azhizhe̱k'e gip, kamok Itsi ta bo̱so̱p ike̱re̱ cei ne i ka tonong katsak'e.

2 aYohana 1:11

Koangan ne a nye aner kuri ayong ashou, i nye ye a kuus kama amaan kunye aner'e.