Ibrani 4:15 - Izere New Testament

¹⁵ Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

Ibrani 4:15 Referans Kwoze

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

1 aYohana 3:5

Amma yin ren yin ye ike̱ng i tá sak aYeso tá be̱ nye, nong a ta sok rine̱n yir. A nye rine̱n baꞌ.

1 aBitrus 2:22

“Wu kun nye rine̱n ike̱ng ikak baꞌ. A kun fok abo̱o̱s nanu wu baꞌ.”

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

Ibrani 5:2

A kyem a nye tatan be áya a ta taam ne áya a ta dun kuren ike̱ng, kamok wu be rice wu ta be kuraar kuri kufe̱ rinerawe gip.

aYohana 8:46

Angan kaye̱e̱r yin ta kyem a fe̱ ye mi kun nye rine̱n e̱? Ke i nye ye mi ta taas yin katsak, to̱, akye̱ sak yin ti no̱o̱k yin katsak rife̱ mi baꞌ e̱?

aLuka 22:28

Yin ne i nye yin áner aya i tan tsesek yin mak be mi kaye̱e̱r kubo̱mo̱ng'i.

aLuka 4:2

azong ne Ishetan su ku bo̱mo̱ng, inom iso̱k inaas, ko a yas baꞌ. Ni igang'e izong tu ro̱, kamok sang a tá ya naya baꞌ.

aMatiyu 12:20

A tà bur ike̱ng i tan te gordok baꞌ, ko a tà riming kuro̱ng kuya ku tan be̱ barak ku ta ku baꞌ, ma katsak'e wuruk kanang.

aMatiyu 4:1

Iyong Kabik Kazhe̱l tseng be aYeso kaye̱e̱r katse ne Ishetan su ku bo̱mo̱ng.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.