Ibrani 4:11 - Izere New Testament

¹¹ Won i tu nye yir koakye ike̱ng i tana kyem i nye yir nong ta no̱ yir kaye̱e̱r kufan'ong, fan akak bu kuus kuse ba, a tà kpa, á ta won dar á fok kuto.

Ibrani 4:11 Referans Kwoze

Ibrani 3:18

Be ángan ne Adakunom shu ye sang á ta no̱ kaye̱e̱r nawu kufan wu baꞌ e̱? Mi fe̱ ka be áya a ta nye rine̱n e̱?

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

Ibrani 6:11

Yir shim yir koangan kaye̱e̱r yin tu ya kasho̱o̱n be ifeng anong ma nigang'e, nong ta ren yin ye yin tà se̱ yin ike̱ng iya yin ta min te yin riye̱.

Afisa 5:6

Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

Ibrani 3:12

Ároneng, sak yin riye̱ fan akak yin bu nye amaan kuto̱ro̱ng ne a won dar a ni no̱o̱k katsak, nong a ta won kukuus Adakunom afe kutser.

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

aKolosi 3:6

Kamok amaan kunye'ong ne riye̱ kubeseng Adakunom sen ni tiik natoon ánerawe.

Itomong Ámanzo 26:19

“Kamok anong, Adagwo̱m, mi won dar i nye ike̱ng iya a tin tonong naza baꞌ.

aLuka 16:16

“A taas ánerawe Itsi aMusa ne rife̱ áner kuzarap Adakunom agbugbang'e ma nizen aYohana aner abatisma. Amma kum a ta taas Rife̱ Ritek natoon rigwo̱m Adakunom, koangan gaas karo̱ nong a ta no̱ kaye̱e̱r'e.

aMatiyu 11:12

Kum nizen aYohana aner abatisma ma kyo̱o̱rna rigwo̱m kaza so̱ risam, ákardak aner'e shim a tin shan.

aMatiyu 7:13

“No̱ yin nanukutu kaya kata se whe̱, kamok kanukutu kaya kata be ni iwei se saa. Iren'e ro̱ kutseng baꞌ, áfe á ta no̱o̱s se dide̱ng.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

aYohana 6:27

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

Ibrani 4:6

I rusek anong, ákak tà no̱ kaye̱e̱r kufan'e, amma áya a tá san kufok Rife̱ Ritek se̱ kuno̱ kaye̱er'e baꞌ, kamok kushonong ba.

2 aBitrus 2:6

Adakunom shosh agbang iwo̱p aSodom be aGomora ma i te itong. Iyong tonong kuri ike̱ng i tana se̱ áya a ta nye anyas.