Ibrani 3:7 - Izere New Testament

⁷ To̱, kyo̱ndi Kabik Kazhe̱l'e ta fe̱ ye, “Katuur, ke yin fok yin kuto̱ wu,

Ibrani 3:7 Referans Kwoze

Ibrani 3:15

Kyo̱ndi a tan fe̱ ye: “Katuur, ke yin fok yin kuto̱ Adakunom, tu shonong yin baꞌ, kyo̱ndi yin tá te yin ma i te yin shaam.”

Ike̱ng a ta tonong aYohana 3:20

Di, mi na nunyeseng ne i ca kanukutu. Aner aya a fok kuto̱ mi, a ti karak'e ne mi no̱ ta ya mak be wu ne wu ya be mi gip.

Ibrani 4:7

Kamok anong, Adakunom sak kunom kukak a ta yis ye, “Katuur.” A fa baan dide̱ng ne a fe̱ nanu aDauda kyo̱ndi a ta tsang a zibir ye, “Katuur ke yin fok yin kuto̱ wu, tu shonong yin baꞌ.”

aYohana 10:27

Itamang'i fok kuto̱ mi, mi ta ren ba ne ba ni kuus.

Ibrani 3:13

Amma yiir i naka tsesek yin kunom. Ni nye yin itomong be koakye izen iya a ta yis ye, “katuur”, nong fan rine̱n bu wo̱k akak yin nong ta shonong.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

aYohana 10:3

Aner aya a ta tor kaming itsamang'me ta karak afek itsamang'me kaming'e. Ne itsamang'e fok kuto̱ afek ba. A yis itsamang wu'me be ayerek ba. Ne a ku tun ba nufang.

aYohana 5:25

Katsak'e, mi ta ka tak yin, izen saase, n nye gip ma iya áya a tan kus tana fok kuto̱ Igon Adakunom, áya a tana fok ta se̱ kutser.

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

2 aBitrus 1:21

Kamok kuzarap nye ike̱ng iya i ta ne kaye̱e̱r riye̱ anerawe tsek baꞌ, amma Kabik Adakunom kaya ka tá no̱o̱k kaye̱e̱r aye̱ ba ne ka sak ánerawe tá fe̱ ike̱re̱ iya ba tá shan nufe Adakunom.

Ibrani 9:8

Iyu ne i sak Kabik Kazhe̱l'e tá tonong ye, an karak karo̱ ka ta nar kuse zhe̱l nizham baꞌ, kum ke kubur'e ru kuse.

aMatiyu 22:43

Ayong aYeso fe̱ be ba ye, “To̱, akye̱ sak aDauda, Kabik Kazhe̱l'e ta se be wu, tú ku yis ye ‘Agwo̱m Ágwo̱m e̱,’ kamok aDauda fe̱ ye,

Itomong Ámanzo 28:25

Kamok anong nanan ti no̱ kaye̱e̱r ba yong á san ku naka kaas nama aBulus ta fe̱ rife̱ be ba ye, “Aser, Kabik Kazhe̱l'e fe̱ katsak be átukop yin, a tá fe̱ be Ishaya aner kuzarap ye,

aMarkus 12:36

Kabik Kazhe̱l'e ne ka sak aDauda ta fe̱ ye, “ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nubo̱k riya mi, ma mi sak ámudo̱n wan ta kpa kaben.” ’

Itomong Ámanzo 1:16

a tá fe̱ ye, “Ároneng be ángasneng, rife̱ Adakunom riya Kabik Kazhe̱l'e tá fe̱ gbugbang nanu aDauda natoon aYahuza aya a tá ko̱k áner á ta yiir aYeso kasho̱o̱n ta shining dim.

Itomong Ámanzo 8:29

Kabik fe̱ be aFilibus ye a ra tseng a ta se nyeseng bubarak be atso̱m kutseng itsaap tá ko̱k kya.

Ibrani 10:15

Kabik Kazhe̱l'e fe̱ be yir anong gip natoon iyu. Ni ime̱se̱ng a fe̱ ye,