Ibrani 3:5 - Izere New Testament

⁵ aMusa tonong katsak kaye̱e̱r itomong wu ife asam kaye̱e̱r anerawe Adakunom, nong i ta sor asheda ike̱re̱ iya i tana be̱ nasho̱o̱n.

Ibrani 3:5 Referans Kwoze

Ibrani 3:2

aYeso tonong katsak kaye̱e̱r itomong aya a tú ku kasa, kyo̱ndi aMusa ta nye katsak ni itomong wu kaye̱e̱r ánerawe Adakunom.

Itomong Ámanzo 28:23

Iyong á ti sak kunom a tana nyim be aBulus. Ánerawe whe̱re̱ be̱s azong naro̱ wu tú ku sor. Nadiding ma nawheshirim a yiir ku kutaas ba rife̱ natoon rigwo̱m Adakunom ne a tse̱r iren a tana sok aye̱ ánerawe nong á ta kuus aYeso ne a ninye itomong be Itsi aMusa ne afumung áner Kuzarap.

Ibrani 8:5

Nizen iya a ta nye itomong naro̱ kaya ka ta nar kuse zhe̱l, a maas ne a kuus nawu ike̱ng iya a ta nye kaye̱e̱r kaza tsek. Iyong ne i sak a tá kpam aMusa nizen iya a tá tse̱r a tá tar kubur a tanin ya Adakunom iben ye, “Sak riye̱ nong ta nye koakye ike̱ng kyo̱ndi mi ta ka tonong natoon rifan.”

1 aTimoti 1:12

Mi be riye̱ rikan be aYeso Kiristi Agwo̱m Ágwo̱m yir, aya a tin no̱o̱k agap. A di ye mi be katsak iyong a ti sak nong ta nye itomong wu.

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.

aRom 3:21

Amma kyo̱o̱rna an tonong iren ikak ze̱e̱r ánerawe tana te gye̱r nasho̱o̱n Adakunom. A se̱ kuse gye̱r kuyuna be kukuus Itsi baꞌ, Itsi aMusa ne afumung Áner Kuzarap gip a tonong anong gye̱r tatan.

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

aLuka 24:27

A san i ku taas ba ike̱re̱ i ta se kaye̱e̱r Afumung rife̱ Adakunom cei natoon rice wu, kum nizen aMusa ma nizen áfe kuzarap'e cei.

1 aKoranti 4:2

Kamok anong ne a shim aner aya a tu ku won ba amana, a ra sor aner aya a tana yiir ike̱ng'e kyo̱ndi a ta shim.

Itomong Ámanzo 7:37

“Wu aMusa'me yong ne a fe̱ be áner Isarela ye, ‘Adakunom tà ka tom yin aner kuzarap akak kaye̱e̱r yin aner Isarela kyo̱ndi a tin tom.’

aLuka 12:42

aYeso fe̱ be wu ye, “Angan ne a nye asam afe a ta be katsak ne a be kukyem e̱? Aya atekasa wu tú ku won ribir ásam nubo̱k, ne a ku nyesek ba naya nizen gye̱r.

aMatiyu 25:21

“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

aMatiyu 24:45

“Angan ne a nye asam a ta be katsak ne a be kukyem, aya atekasa wu tu ku sak ye, a rin sak riye̱ na ásam wu ne a ku nyesek ba naya nizen i ta se gye̱r e̱?

Ibrani 1:1

Gbugbang, Adakunom fe̱ kanu be átukop yir ni iren ze̱r ze̱r ne nizen ze̱r ze̱r be aner kuzarap.

Ibrani 3:4

Koakye kasa anerawe ne a no̱k, amma Adakunom ne a nye koakye ike̱ng.

Ike̱ng a ta tonong aYohana 15:3

Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.