Ibrani 2:3 - Izere New Testament

³ yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

Ibrani 2:3 Referans Kwoze

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

aRom 2:3

Kamok anong ke wan afe i ta nye anerawe tsek, wan to̱ akak amok natoon ike̱re̱ iya wu tá nye, amma ne wan nye ike̱re̱'ong, wan di ye wan tà wher amok Adakunom a?

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

Ibrani 4:11

Won i tu nye yir koakye ike̱ng i tana kyem i nye yir nong ta no̱ yir kaye̱e̱r kufan'ong, fan akak bu kuus kuse ba, a tà kpa, á ta won dar á fok kuto.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.

aLuka 1:2

Kyo̱ndi áya a tin se ni ime̱se̱ng'e tin no̱o̱k yir, ne áfe a tá nye itomong kutaas rife̱'me tin tak yir.

Ike̱ng a ta tonong aYohana 7:10

Á tasak be agap ne á fe̱ ye, “Kashesh nye kafe Adakunom yir, wu aya a ta sonong natoon itsik rigwo̱m. Kashesh nye kafe Aturuk'e.”

aTitus 2:11

Kamok Adakunom tonong ritek wu nong ánerawe cice̱r ta se̱ kashesh.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

aMatiyu 23:33

“Yin íwhen, naban afomong, yin ta nye yin ane̱ ta whe̱r yin amok kasa kuro̱ng e̱?

Ibrani 4:1

Kamok anong, kum kuno̱o̱k kuto̱ a tá tsang a fe̱ be yir ye, yir tà no̱ yir kaye̱e̱r karo̱ kufan wu tu ku se, to̱, i sak yir riye̱ fan ákak yir bu won dar á kyem á no̱.

Itomong Ámanzo 2:22

“Áner Isarela fok yin rife̱ na, aYeso a tá nye afu Nazaret nye aner aya Adakunom tá ka tom yin'e. Adakunom nye itomong azhing be ife kukyem kaye̱e̱r wu nasho̱o̱n yin, yin ren yin anong be rice yin.

Itomong Ámanzo 1:22

Kum nizen iya aYohana tá san kunye abatisma ma nizen iya a tá sok aYeso nufe yir a tá tseng kaye̱e̱r kaza. Aner ayong ta te aner aya a tana taas itak kudorok aYeso mak be yir dim.”

aYohana 15:27

Yin gip yin tà fe̱ yin itak natoon'i dim, kamok yin se yin mak be mi kum ni ime̱se̱ng'e.

aLuka 24:19

Ayong a tu rip ba ye, “Akye̱ kuri ike̱re̱ e̱?” Ne á fe̱ be wu ye, “Natoon aYeso aner aNazaret. A nye aner kuzarap Adakunom. A be kukyem ku ninye ike̱re̱ ne kufe̱ kanu nasho̱o̱n Adakunom ne ánerawe cice̱r.

aMarkus 1:14

Nama a tá te aYohana ni itso̱m, aYeso no̱ kaye̱e̱r aGalili, ne a taas Rife̱ Ritek Adakunom,

1 aTasalonika 5:3

Nizen ánerawe ta sen fe̱ ye, “Koakye se gye̱r ne kusor caang kuse,” nizen iyong ne ike̱re̱ imaan'e tà wor i be̱ kyo̱ndi kutes ta kpa aner abining. Ánerawe'me akak tà wher baꞌ.

aLuka 1:69

A min no̱o̱k yir aner kashesh aya a ta be kukyem, kaye̱e̱r kasa asam wu aDauda.

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

aRom 11:14

Be anong ne mi ti te riye̱ ye kashim áner'i, áner Isarela ta ka shishim yin, nong ákak ba ta se̱ kashesh.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

Ibrani 1:1

Gbugbang, Adakunom fe̱ kanu be átukop yir ni iren ze̱r ze̱r ne nizen ze̱r ze̱r be aner kuzarap.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

1 aYohana 1:1

Yir sen ka zibir yin rife̱ na natoon aYeso Kiristi aya a ta nye Rife̱ Kutser. A tuse kum nizen iya a tá nye kazatse. Yir fok yir rife̱ wu ne yir ku di yir, yir tú ku ye̱re̱k yir be anyisi yir ne yir ku ras yir be ibo̱k yir.

aZhud 1:17

Amma yin, ároneng áya mi ta shim, yiring yin be ike̱re̱ iya ife ámanzo Agwo̱m Ágwo̱m yir aYeso Kiristi tá tsang á fe̱ gbugbang.