Ibrani 2:17 - Izere New Testament

¹⁷ Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

Ibrani 2:17 Referans Kwoze

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

aRom 5:10

To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.

Ibrani 2:11

Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

Ibrani 3:5

aMusa tonong katsak kaye̱e̱r itomong wu ife asam kaye̱e̱r anerawe Adakunom, nong i ta sor asheda ike̱re̱ iya i tana be̱ nasho̱o̱n.

aKolosi 1:21

Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.

Ibrani 7:28

Itsi aMusa sak ánerawe á tá raar tá te agbang atsi, amma kushu kufe ku tá be̱ nama itsi sak Igon'e a ta se zhe̱l te atsi ma izen izen.

Afisa 2:16

Kyo̱ndi kuro̱m kuzining a tu bun be ba cice̱r afa'ong nufe Adakunom. A nye anong be riku wu natoon kukon nong a tà tun rifub ri ta se natite ba.

aRom 15:17

Kamok anong ne mi ya kuka kaye̱e̱r aYeso Kiristi kamok itomong'i nasho̱o̱n Adakunom.

Ibrani 3:2

aYeso tonong katsak kaye̱e̱r itomong aya a tú ku kasa, kyo̱ndi aMusa ta nye katsak ni itomong wu kaye̱e̱r ánerawe Adakunom.

Ibrani 2:16

Katsak'e, sang ámaleka ne wu tú ku tobok ba baꞌ, amma kuri Ibrahim ne a tú ku tobok ba.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

Ibrani 5:1

Koakye agbang atsi Adakunom ne a tu kasa kaye̱e̱r ánerawe áfudang nong a tà fe̱ kanu rice ba natoon ike̱re̱ Adakunom ne a nye asidaka kamok rine̱n.

Ibrani 5:2

A kyem a nye tatan be áya a ta taam ne áya a ta dun kuren ike̱ng, kamok wu be rice wu ta be kuraar kuri kufe̱ rinerawe gip.

Ibrani 5:5

Anong ne, aKiristi gip, a se̱ kuyiik kusor agbang atsi be rice wu baꞌ. Amma Adakunom ne a fe̱ be wu ye, “Wan ne i nye Igon mi, katuur mi n te Ada wan.”

Ibrani 5:10

Adakunom ne a tú ku kasa a ta sor agbang atsi kyo̱ndi aMakizadek.

Ibrani 6:20

aYeso tsang an tseng azong nasho̱o̱n yir kamok yir. An te agbang atsi ma izen izen kyo̱ndi aMakizadek.

Ibrani 8:1

Rice rife̱ yir tin fe̱ yir se ye, yir be yir agbang atsi akak kyo̱ndi ayong afe a tá sonong nubo̱k riya itsik rigwo̱m Adakunom ayiik'e kaye̱e̱r kaza.

Ibrani 8:3

A sak koangan agbang atsi ni itomong nong a ta shosh asidaka ike̱re̱ be ife ikewum. Iyong ne i sak i ta se gye̱r ayu gip a ta tse̱r ike̱ng ikak a ta no̱o̱k.

Ibrani 9:11

Nizen iya aYeso tá be̱, wu ta nye agbang atsi afe ike̱re̱ itek iya i tan be̱ nakuruk, kubur kuya wu tin nye itomong kaye̱e̱r'e se yiik ne ku nar. Ku nar kubur kuya anerawe ta tar zhe̱l, kubur'ong nye kufe kazatse na baꞌ.

Ibrani 10:21

Kum yir ta be yir agbang atsi nasa Adakunom,